Монгол Улсаас Бүгд Найрамдах Хятад Ард Улсын Манжуур хотод суух Консулаар Г.Золзаяа томилогджээ
Гадаад Харилцааны Яам(ГХЯ)-ны Төрийн нарийн бичгийн дарга Л.Мөнхтүшиг 2025 оны дөрөвдүгээр сарын 14-ний өдөр Монгол Улсаас Бүгд Найрамдах Хятад Ард Улсын Манжуур хотод суух Консул Г.Золзаяад консулын патентыг нь гардуулав.
Консулын патентыг гардуулах үеэр Төрийн нарийн бичгийн дарга Л.Мөнхтүшиг БНХАУ-д зорчиж байгаа болон оршин суугаа монгол иргэддээ төрийн үйлчилгээг чанартай, түргэн шуурхай, хүнд сурталгүй үзүүлэх ёстойг онцолж, ажлын амжилт хүсэв.
Монгол Улсаас БНХАУ-ын Манжуур хотод суугаа КГ-ын консулын тойрогт Өвөр Монголын Өөртөө Засах Ороны Хөлөнбуйр хот болон Хянган аймаг хамаарагддаг болно гэж ГХЯ-наас мэдээлэв.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
