Б.Жаргалдүүрэн: Зайсангийн зүүн гүүрний хөдөлгөөнийг зургаадугаар сарын 30-наас нээх төлөвлөгөөтэй

Зайсангийн зүүн гүүр буюу хуучин гүүрийг 2025 оны нэгдүгээр сарын 10-наас хааж, гуравдугаар сарын 7-ны өдөр буулгаж дуусаад буй. Хуучин гүүрийг буулгах явцад шинэ гүүрний шон суурилуулах ажлыг давхар гүйцэтгэж байгаа талаар Замын хөгжлийн газраас мэдээлж байв.

Энэ тухай НЗХГ-ын гүүрний хяналтын мэргэжилтэн Б.Жаргалдүүрэн "Зайсангийн зүүн талын 225 метр урт,  төмөрбетон гүүрний шинэчлэлийн ажил үргэлжилж байна. Өнөөдрийн байдлаар шон суурь 90%, тулгуурыг суурилуулах ажил 80%-д хүрсэн. Шон суурийг суурилуулахдаа газраа өрөмдөж бэлтгэсний дараа арматураа хийж, цутгалт хийх технологиор гүйцэтгэж байна.

Голын ус гэссэн хэсэгт гүүрний тулгуурыг суурилуулах ажил бүрэн дууссан. Гүүрний дам нурууг энэ сарын 20-ноос угсрах төлөвлөгөөтэй.

Гүүрний бүтээн байгуулалтын ажлын явц 70%-д хүрсэн.

Зургаадугаар сарын 30-наас өмнө гүүрний хөдөлгөөнийг нээхээр ажиллаж байна. Барилга угсралтын явцад ямар нэгэн хүндрэл бэрхшээл гараагүй" гэв.

Уг гүүрийг 1968 онд барьж, 2012 онд хэзээ ч нурж магадгүй гэсэн мэргэжлийн байгууллагын дүгнэлт гарснаар буулгаж, дахин шинээр барихаар болсон юм.

Харин баруун гүүрийг шинэчилж, 2023 оны есдүгээр сард ашиглалтад оруулаад байгаа билээ.

Зайсангийн зүүн гүүрний бүтээн байгуулалтаас: