Н.Учрал: ЭТТ ХХК-н 1,072 хувьцааг санал асуулгын үр дүнд түшиглээд маргааш өглөөнөөс эхлэн хуваарилах ажлыг хэрэгжүүлнэ
Засгийн газрын өнөөдрийн ээлжит хуралдааны шийдвэрийг танилцуулах үеэр Засгийн Газрын Хэрэг Эрхлэх Газрын дарга Н.Учрал Эрдэнэс Тавантолгой ХХК-н 1072 хувьцааг маргааш өглөөнөөс эхлээд иргэдэд хуваарилах ажлыг төлөөлөн удирдах зөвлөл шийдвэрлэсний дагуу хэрэгжүүлнэ гэв.
2024 оны ногдол ашгийн сүүлийн олголтыг дөрөвдүгээр сард олгох шийдвэрийн дагуу 1,072 хувьцаатай нэг иргэнд татварын дараах дүнгээр 93,499 төгрөгийг олгохоор энэ сарын 4-ны өдөр шийдвэрлэсэн байна.
И-Монголиа цахим системээр дамжуулан явуулж буй иргэн өөрийн ногдол ашгаа Хуримтлалын дансанд эсвэл хувийн харилцах дансандаа авах эсэх талаар санал асуулга өнөөдрийн 00:00 цаг хүртэл үргэлжлэх юм байна. Тус санал асуулгын үр дүнд түшиглээд маргааш өглөөнөөс эхлээд ногдол ашгийг хуваарилах ажлыг төлөөлөн удирдах зөвлөл шийдвэрлэсний дагуу хэрэгжүүлнэ. Засгийн газар хувьцаа эзэмшигчийн хувиар төлөөлөн удирдах зөвлөлийн шийдвэрлэсэн шийдвэрийг хүндэтгэж ажиллаж байна гэв.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
