"Өнгөрсөн сард $253 саяын экспорт хийгдлээ. Валютын нөөц $5 тэрбум байна"

Гашуунсухайт-Ганцмод боомт биржээс 100 хувь хамааралтай байдаг. Боомтууд дээр овоорсон овоолгуудаас шалтгаалж биржийн арилжаа олигтой нэмэгдэж өгөхгүй байна. Биржийн арилжаанд өмнө нь оролцсон худалдан авагч нар их хэмжээний алдагдалд орсон. Мөн үнэ хөлстэй холбоотойгоор цаашаа нүүрсээ дахин борлуулах боломжгүй болсноос үүдэж түгжигдээд буйг арилгахаар ажиллаж байна. Боомтууд дээр дотоодын нүүрсний уурхайдын өрсөлдөх чадварыг нэмэгдүүлэхийн тулд төрөөс шалтгаалж болох тээврийн зардал, НӨАТ, АМНАТ-ийг тооцох зэргийг эргэж харан судлах үүрэг авсан. 

Төмөр замын тарифыг шат дараатай бууруулж байгаа ба авто тээвэртэй өрсөлдөхүйц авто тээврийн үнээс доогуур байхаар ахиж бууруулах үүрэг даалгаврыг Зам, тээврийн яаманд өгсөн байна. 

Говийн аймгуудаар экспортын замуудыг зогсоох шийдвэр гаргаад байгаа нь экспортод нөлөөлж байна. Хэдийгээр байгаль орчин, зам эвдрэх зэрэгтэй холбогдуулан зогсоосон ч стандартад нийцүүлж, хяналтыг нь сайжруулахыг Зам тээврийн сайдад, хөдөлгөөнийг яаралтай нээх үүргийг холбогдох аймаг, сумдад өгсөн байна. 

Одоогоор экспортлох боломжтой болсон хэдий ч экспортолж чадахгүй байгаа хориг үүссэн овоолгууд байна. Төмөр, нүүрс, жоншийг уурхайнуудаас худалдаж аваад баяжуулан боловсруулалт хийсэн ч экспортынхоо шатанд гацчихаад байгаа асуудал байна. 30-60 сая долларын экспортын боломж нь түгжигдчихээд байгаа үйлдвэрүүдийг үзээд явж байна. Эдгээр гацаад буй баяжуулсан ашигт малтмалуудыг экспортод гаргах шийдвэрийг удахгүй гаргана гэв.