4 сарын 3, Пүрэв

“Монголын Геологи, Хайгуул-2025” чуулга уулзалт амжилттай зохион байгуулагдлаа

ikon.mn

2025 оны 4 сарын 1

Сурталчилгаа

Улаанбаатар, Монгол Улс – Корпорейт Конвеншн Төв

2025 оны 3-р сарын 27-28-ны өдрүүдэд 16 дахь удаагаа “Эрэл хайгуулыг дэмжих нь” уриан дор амжилттай зохион байгуулагдсан "Монголын Геологи, Хайгуул-2025" чуулга уулзалт нь геологи, эрдэс баялгийн салбарын яам, төрийн захиргааны байгууллагын төрийн албан хаагчид болон хувийн хэвшлийн байгууллагын ажилтнууд, мэргэжлийн төрийн бус байгууллагын төлөөлөл, их дээд сургуулийн багш, эрдэм шинжилгээ, судалгааны лабораторийн мэргэжилтнүүд, хөрөнгө оруулагчид, эрдэмтэн судлаачдын хамтын ажиллагааг өргөжүүлэх чухал үйл явдал боллоо.

Монголын Үйлдвэрлэлийн Геологичдын Холбооны зохион байгуулж ирсэн энэхүү арга хэмжээ нь эрдэс баялгийн салбар дахь эрэл хайгуулын сүүлийн үеийн шинэ ололт, танин мэдэхүй, технологийг сурталчилсан оролцогч талуудын хамтын ажиллагааг хөгжүүлэх онцлох томоохон арга хэмжээ болж чадлаа.

Чуулга уулзалтын онцлох үйл явдлууд, гол үр дүн

Хоёр өдрийн турш дараах онцлох үйл ажиллагаанууд амжилттай явагдлаа:

Үндсэн хуралдаан, хэлэлцүүлгүүд – Геологи, уул уурхайн салбарын тэргүүлэх эрдэмтэн, судлаач, мэргэжилтнүүдийн илтгэл.
Байгууллагуудын үзэсгэлэн – Шинэ технологи, үйлдвэрлэлд нэвтэрч буй багаж тоног төхөөрөмж, гүйцэтгэж байгаа ажлын танилцуулга.
Хөрөнгө оруулагчдын бизнес уулзалт – Уул уурхайн төслийн хөрөнгө оруулалтын талаар танилцуулга, харилцаа холбоо тогтоох чухал хэлэлцүүлгүүд өрнөв.
Шагнал гардуулах ёслол – Геологийн зураглал, сэдэвчилсэн судалгаа, хайгуулын шилдэг багуудын хамт олныг шалгаруулж алдаршуулсан.
Оюутны эрдэм шинжилгээний бага хурал – Залуу судлаачид судалгаагаа танилцуулан хэлэлцүүлж шилдгүүдээ тодруулав.
Мэргэшүүлэх сургалт, семинарууд – Олон улсын нэр хүндтэй туршлагатай мэргэжилтнүүдийн удирдсан сургалтууд зохион байгуулагдлаа.
Уурхайн танилцах аялал – Оролцогчдыг салбарын хэмжээнд хэрэгжиж буй томоохон уурхайн төслийн үйлдвэрлэлтэй газар дээр нь очиж танилцах боломжийг бүрдүүлж өгсөн юм.
Мэргэжил сурталчлах нээлттэй үзэсгэлэн - олон нийтэд тэнцвэртэй ойлголт өгөх, сонирхсон чиглэлээр мэдээлэл, танин мэдэхүйн мэдлэг өгөх зорилгоор олон нийтэд нээлттэй байдлаар, анх удаа зохион байгууллаа. Үүнд Шинжлэх Ухааны Академи, их сургуулиуд, үнэт, өнгөт чулуу сонирхогчид, гэрэл зургийн үзэсгэлэн, ханан илтгэл зэрэг олон үйл ажиллагаа багтсан.

Олон улсын нэр хүндтэй зочин илтгэгчид

Энэ жилийн чуулга уулзалтад дэлхийн хэмжээний нэр хүндтэй гурван зочин илтгэгч оролцож номын дууг сонсгож шинэлэг мэдээллийг хуваалцлаа:

Доктор Жеф Каерс (Стэнфордын Их Сургуулийн профессор, Mineral-X үүсгэн байгуулагч) "Хүний оролцоотой өгөгдлийн шинжлэх ухаан ба хиймэл оюуны тусламжтайгаар хайгуулын үр ашгийг нэмэгдүүлэх нь" сэдвээр илтгэл тавив.
Доктор Майкл Доггетт (35 гаруй жилийн туршлагатай эрдэс баялгийн эдийн засагч) “Эрдэс баялгийн төслийн үнэлгээ ба мэргэжлийн хөгжил” сэдвээр сургалт удирдан явууллаа.
Армелле Клоппенбург (Структур геологич/зөвлөх, Геологийн ухааны доктор) “Ашигт малтмалын хайгуулын структур геологи – Баян Хөндий алтны ордын структур бүтэц” сэдвээр илтгэл тавив.

Тэдний үнэтэй мэдлэг, судалгаа нь оролцогчдод геологи, хайгуулын салбарын хөгжлийн шинэ чиг хандлагын талаар чухал ойлголт өглөө.

Ивээн тэтгэгч байгууллагууддаа талархал илэрхийлье

Монголын Үйлдвэрлэлийн Геологичдын Холбоо энэхүү арга хэмжээг дэмжин хамтран ажилласан бүх ивээн тэтгэгч байгууллагууддаа талархал илэрхийлье.

Монголын геологи, хайгуулын ирээдүй

Чуулга уулзалтын үр дүнд Монгол Улсын геологи, эрдэс баялгийн салбарын хариуцлагатай, тогтвортой хөгжил чухал болохыг оролцогчид онцлов. Инновац, хамтын ажиллагаа, мэдлэг солилцоо нь Монголыг дэлхийн уул уурхайн салбарт тэргүүлэгчдийн эгнээнд байхад чухал үүрэг гүйцэтгэнэ. "Монголын Геологи, Хайгуул" чуулга уулзалт нь салбарын хамтын ажиллагааг өргөжүүлж, ирээдүйн хөгжлийг чиглүүлэх гол арга хэмжээ хэвээр байх болно.

Ирэх жилийн чуулга уулзалтын шинэчлэлт болон салбарын сүүлийн үеийн мэдээг хүлээн авахыг хүсвэл бидэнтэй холбогдож байгаарай!

Холбоо барих мэдээлэл