Хасын хүлэгүүд, Bodons багийн Half time show-г Тэсо Пропертис групп зохион байгууллаа

Сагсан бөмбөгийн тэмцээний  Half time show-г байгууллагууд худалдан авч өөрсдийн сурталчилгаа болон урлагийн номерыг багтаадаг  нь олон улсад жишиг болсон зүйл билээ.

Тэгвэл Монголдоо анх удаа Монголын сагсан бөмбөгийн холбооны Үндэсний Дээд Лигийн плейоффын хагас шигшээ шатны half time show зохион байгуулж буй байгууллага нь “Тэсо Пропертис” групп боллоо.

Хасын Хүлэгүүд багийн ивээн тэтгэгч Тэсо Пропертис групп нь “Together We Rise” кампанит ажлын хүрээнд хагас шигшээ шатанд учраа таарсан “Хасын Хүлэгүүд” болон “Сэлэнгэ Бодонс” багуудын цувралын дөрөв дэх тоглолтын "Half Time Show"-г худалдан авч зохион байгууллаа.

 

Тус тоглолтын завсарлагааны үеэр AIM4R Production болон DESANT  нар үзэгчдэд зориулан үзүүлбэр үзүүллээ.

Үүнээс гадна хөгжөөн дэмжигчдийн хооронд шидэлтийн тэмцээн зохион байгуулж, ялагч болсон хөгжөөн дэмжигчид Хасын Хүлэгүүд багийн тоглогчдын гарын үсэгтэй Jersey  болон мерчиндайзыг бэлэг болгон гардуулсан юм.

 

 

Мөн завсарлагааны үеэр хөгжөөн дэмжигчдийн уур амьсгалыг нэмэгдүүлэх зорилгоор үзэгчдийн дунд T-shirt Gun ашиглан Хасын Хүлэгүүд багийн мерч тараах үйл ажиллагаа зохион байгууллаа.

Тэсо Пропертис групп нь спортын хөгжлийг дэмжихийн зэрэгцээ сагсан бөмбөгийн үнэнч хөгжөөн дэмжигчдэд зориулан өвөрмөц бэлэг барьж, тоглолтын уур амьсгалыг дараагийн шатанд гаргахыг зорилоо.