Хан-Уул дүүргийн нэгдсэн эмнэлэг диализийн тасагтай болж хавдрын химийн эмчилгээг хийх боломж бүрдэв
Хан-Уул дүүргийн нэгдсэн эмнэлгийн өргөтгөлийн барилгыг өчигдөр ашиглалтад оруулжээ.
Ингэснээр тус дүүргийн нэгдсэн эмнэлэг диализийн тасагтай болж, хүн амд үзүүлэх эмнэлгийн тусламж, үйлчилгээ өргөжиж, бөөрний архаг цочмог дутагдлын эмчилгээ, үйлчилгээг үзүүлэхээр болсон байна.
Өөрөөр хэлбэл хавдрын химийн эмчилгээг хийх боломж бүрджээ.
Тус эмнэлгийн эмч, мэргэжилтний мэдлэг, чадварыг дээшлүүлэх бусад эмнэлгийн болон резидент эмч нарыг дадлагажуулах, сургалт, судалгаанд хамруулах боломжтой байна.
Хан-Уул дүүргийн нэгдсэн эмнэлэгт 2024 онд нийслэлийн хөрөнгө оруулалтаар 292 сая төгрөгийн өртөг бүхий дөрвөн ширхэг гемодиализийн аппарат, 2025 оны хөрөнгө оруулалтын төсвөөс 1.5 тэрбум төгрөгийн тоног төхөөрөмжийг шийдэж, эмнэлгийн тусламж, үйлчилгээг нэмэгдүүлжээ.
Эх сурвалж: НЗДТГ-ын хэвлэл мэдээлэл, олон нийттэй харилцах хэлтэс
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
Баярлалаа
|
5 СЭТГЭГДЭЛТЭЙ
|
