3 сарын 27, Пүрэв

“Монголын геологи, хайгуул-2025” чуулга уулзалт, үзэсгэлэн энэ сарын 27, 28-ны өдрүүдэд зохион байгуулагдана

ikon.mn

2025 оны 3 сарын 25

Сурталчилгаа

Жил бүрийн хавар геологийн салбарын мэргэжилтнүүд нэгэн дор цугларч, салбарынхаа хамгийн сүүлийн үеийн ололт амжилтын талаар харилцан мэдээлэл солилцох, хамтдаа өсөж хөгжих нэгэн чухал арга хэмжээг тэсэн ядан хүлээдэг. Энэ удаагийн чуулга уулзалт ч мөн адил салбарын мэргэжилтнүүдийн мэдлэг, туршлагаа хуваалцах, шинэ технологи, инновацийг танилцуулах, хамтын ажиллагааг өргөжүүлэх өргөн боломжийг олгох болно.

Монголын үйлдвэрлэлийн геологичдын холбооны санаачилгаар энэхүү чуулга уулзалтыг 2009 оноос хойш зохион байгуулж ирсэн билээ. "МОНГОЛЫН ГЕОЛОГИ, ХАЙГУУЛ 2025" 16 дахь удаагийн чуулга уулзалт, үзэсгэлэнг “Эрэл, хайгуулыг дэмжих нь” сэдвийн дор 2025 оны 3 дугаар сарын 27, 28-ны өдрүүдэд Улаанбаатар хотноо зохион байгуулах болсныг танд албан ёсоор зарлахад таатай байна.

"Монголын Геологи, Хайгуул 2025" чуулга уулзалт, үзэсгэлэнг хоёр өдрийн турш танхимаар зохион байгуулж, онлайнаар шууд дамжуулна. Энэхүү арга хэмжээ нь салбарын хамтын ажиллагааг өргөжүүлэх, шинэ технологи, судалгааны дэвшлийг танилцуулах, эрдэс баялгийн хайгуулын салбарт ил тод байдлыг хангахад чиглэнэ.

Арга хэмжээний онцлох үйл явдлууд

"МОНГОЛЫН ГЕОЛОГИ, ХАЙГУУЛ 2025" чуулга уулзалтын хүрээнд дараах үйл ажиллагаануудыг зохион байгуулна:

Үндсэн хуралдаан, хэлэлцүүлэг – Геологи, эрдэс баялгийн салбарын тэргүүлэх мэргэжилтнүүдийн оролцоотой
Байгууллагуудын танилцуулга, үзэсгэлэн
“Мэргэжил сурталчлах үзэсгэлэн” – Олон нийтэд нээлттэй, тэнцвэртэй мэдээлэл хүргэх
Хөрөнгө оруулагчдын бизнес уулзалт – Хайгуул, ашиглалтын төслүүдийг танилцуулах
“Хайгуулчин” сэтгүүл 69-р дугаар
Шилдэг баг шалгаруулах шагналууд:
- “Шилдэг зураглалын баг”
- “Шилдэг хайгуулын баг”
Оюутны эрдэм шинжилгээний бага хурал – Залуу судлаачдын илтгэл, судалгааны бүтээлийн хэлэлцүүлэг
“Монгол орны байгаль – Хайгуулчдын дуранд” гэрэл зургийн үзэсгэлэн
“Эрдэс чулуулгийн цуглуулга, дээжис” үзэсгэлэн
Мэргэшүүлэх сургалтууд
Уурхайтай танилцах аялал

Онцлох зочин илтгэгчид ба тусгай сургалт

Бид энэ жил анх удаа олон улсад нэр хүндтэй, шилдэг зочин илтгэгчдийг эх орондоо урьж байгаадаа баяртай байна. Тэд манай геологийн салбарын мэргэжилтнүүдтэй мэдлэг, туршлагаа хуваалцаж, салбарын хөгжлийг дэмжих үнэтэй мэдээлэл, шинэ хандлагыг танилцуулах болно.

Жеф Каерс

Стэнфордын их сургуулийн Газрын болон гараг судлалын профессор, Геофизикийн салбарын хүндэт багш Mineral-X компанийн үүсгэн байгуулагч

Товч намтар: Жеф Каерс нь Бельгийн Католик Лёвен их сургуульд Уул уурхайн инженер, геофизикийн магистрын зэрэг (1993), Уул уурхайн инженерийн докторын зэрэг (1997)-ийг хамгаалсан. Одоогоор тэрээр Стэнфордын их сургуульд Газрын болон гараг судлалын профессорын алба хашиж байна. Тэрээр өгөгдлийн шинжлэх ухаан, хиймэл оюун ухаан, эрсдэлийн тодорхойгүй байдалд суурилсан шийдвэр гаргалтын чиглэлээр судалгаа хийж, Стэнфордын Mineral-X төвийг байгуулж, эрдэс баялгийн хайгуулын салбарын зардлыг бууруулах, шинэ ордуудыг илрүүлэх чиглэлээр ажиллаж байна. Тэрээр 2019 оноос KoBold Metals компанийн зөвлөхөөр ажиллаж байгаа бөгөөд эрдэс баялгийн өгөгдлийн шинжилгээ, шийдвэр гаргалтын чиглэлээр таван ном бичиж хэвлүүлсэн. Тэрээр Геостатистикийн олон улсын холбооны Крумбайны медаль-аар карьерынхаа амжилтыг үнэлүүлсэн.

Илтгэлийн сэдэв: Хүний оролцоотой өгөгдлийн шинжлэх ухаан, хиймэл оюун ухааны тусламжтайгаар хайгуулын үр ашгийг нэмэгдүүлэх нь.

Армелле Клоппенбург (PhD)

Структур геологич/зөвлөх - 4DGeo
Ашигт малтмалын хайгуул, уул уурхай, нефть, геотермийн салбаруудад структур геологийн зөвлөх.
Ахлах структур геологич/Бизнес хөгжлийн хариуцан мэргэжилтэн - Midland Valley Ltd (The Hague office, Netherlands)
Ахлах зөвлөхөөр олон улсын төслүүд дээр ажиллах.
Төслийн төлөвлөлт, техникийн ажил болон үйлчлүүлэгчидтэй харилцах
Структур геологич - Midland Valley Ltd (Head Office in Glasgow, Scotland)
Структур геологийн зөвлөх
Голчлон Европ, Өмнөд болон Хойд Америк, Ази дахь нефттэй холбоотой төслүүд
Геологийн ухааны доктор /PhD/ - Utrecht University, Department of Earth Sciences
Диссертацийн сэдэв: Марбл Бар нэг төрлийн бүс, Пилбара гранит-ногоон чулуулгийн террейний структур хөгжлийн түүх,
Австрали: Архейн хурдас. Хээрийн болон лабораторийн судалгааг хослуулсан судалгаа.
Геологийн ухааны магистр (M.Sc.) - Utrecht University, Department of Earth Sciences
Үндсэн чулуулгийн структур геологи, техтоник чиглэлээр мэргэшсэн

💡 Илтгэлийн сэдэв: Ашигт малтмалын хайгуулын структур геологи – Баян Хөндий алтны ордын структур бүтэц

⚒️ Деформацид өртсөн чулуулгийн онцлог, ашигт малтмалын үүсэлтэй хамаарах хагарал, эрдэсжилтийн системийг хэрхэн урьдчилан таамаглах талаар сонирхолтой илтгэл тавигдана!

Тусгай сургалт: "Мэргэжлийн хөгжлийн сургалт"

Доктор Майкл Доггетт, Канадын Ванкувер хотод суурилсан нэр хүндтэй эрдэс баялгийн эдийн засагч бөгөөд 35 гаруй жилийн туршлагатай. Тэрээр уул уурхайн компаниуд, засгийн газар болон олон улсын байгууллагуудад зөвлөгөө өгч, 10 гаруй улсын 3,000 гаруй хүнийг эрдэс баялгийн төслийн үнэлгээний чиглэлээр сургасан арвин түүхтэй нэгэн билээ.

Огноо: 2025 оны 3 дугаар сарын 29 /Бямба гараг/
Бүртгэл: Та QR кодыг уншуулж эсвэл доорх холбоосоор бүртгүүлэх боломжтой:
Бүртгүүлэх

Хамтрагч байгууллагууддаа талархал илэрхийлье

Бид энэхүү арга хэмжээг амжилттай зохион байгуулахад хувь нэмрээ оруулж буй ивээн тэтгэгчдэдээ гүн талархал илэрхийлье. Монголын болон олон улсын нэр хүндтэй байгууллагуудын дэмжлэгээр энэхүү чуулга уулзалт, үзэсгэлэн илүү өргөн цар хүрээтэй, үр өгөөжтэй болж байна. Тэдний оруулсан хувь нэмэр нь геологи, хайгуулын салбарын хөгжлийг дэмжихэд үнэлж баршгүй юм.

Хамтдаа суралцаж, хөгжицгөөе

Геологи, хайгуулын салбарын ирээдүй нь инноваци, хамтын ажиллагаа, мэдлэгийн солилцоон дээр тулгуурладаг. "МОНГОЛЫН ГЕОЛОГИ, ХАЙГУУЛ 2025" чуулга уулзалт нь салбарын мэргэжилтнүүдийг нэгэн дор цуглуулж, туршлага, шинэ санаа, технологийн дэвшлийг хуваалцах таатай боломжийг бүрдүүлсээр ирсэн. Бид ирээдүйд геологи, хайгуулын салбар улам өргөжин тэлж, тогтвортой хөгжлийн замналаар урагшлах болно гэдэгт итгэдэг билээ.