Автобусны буудлын голд цахилгаан скүүтер байршуулахгүй байхыг хүсэв
Нийтийн тээврийн автобусны буудал дээр цахилгаан скүүтерийг иргэдийн зорчих хөдөлгөөнд саад болохгүй байршилд тавихыг хүсжээ.
Энэ тухай Нийтийн Тээврийн Бодлогын Газраас "Цаг агаар дулаарч цахилгаан дугуй, суррон, скүүтер ашиглах болсон. Түрээсийн үйлчилгээ үзүүлдэг компаниуд автобусны буудал голлуулж цахилгаан скүүтер байршуулсан нь ачаалал ихтэй цаг үед зорчигч болон жолооч нарт саад болж байгааг анхаарна уу.
Нийтийн тээврийн автобусаар үйлчлүүлж буй зорчигч, иргэдэд саад болохгүй газар байршуулахыг хүсье" гэж мэдээллээ.
Нийслэл хотод өдөрт нийтийн тээврийн 1,100 гаруй автобус явдаг бөгөөд долоо хоногт гурван сая орчим иргэн үйлчлүүлдэг байна.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглахдаа эх сурвалжаа (ikon.mn) заавал дурдах ёстойг анхаарна уу!
Баярлалаа
|
23 СЭТГЭГДЭЛТЭЙ
|
