DICE төслийн хүрээнд ИНБ, ИНБ-ын сүлжээг чадавх бэхжүүлэх хөтөлбөрт оролцох хүсэлтээ илэрхийлэхийг урьж байна

“Иргэний нийгмийн байгууллагыг чадавхжуулах замаар цахим оролцоог нэмэгдүүлэх нь (DICE)” төслийн хүрээнд ИНБ болон ИНБ-ын сүлжээГ чадавх бэхжүүлэх хөтөлбөрт оролцох хүсэлтээ илэрхийлэхийг урьж байна

Мэдээлэл түгээсэн огноо: 2025 оны 3-р сарын 18

Өргөдөл хүлээн авах сүүлийн хугацаа: 2025 оны 4-р сарын 02

Байршил: Улаанбаатар хот

Ерөнхий мэдээлэл

Европын Холбооны санхүүжилтээр Пипл ин Нийд (ПИН) ОУТББ Фаро Фаундэйшн ТББ-тай хамтран “Иргэний нийгмийн байгууллагыг чадавхжуулах замаар цахим оролцоог нэмэгдүүлэх нь (DICE - Digital Inclusion through CSO Empowerment)” төслийг хэрэгжүүлж байна. Төслийн ерөнхий зорилго нь Монгол Улс дахь цахим шилжилтийг бүх талын оролцоотойгоор хөгжүүлж, ардчилсан орон зайг өргөжүүлэхэд хувь нэмэр оруулах чадвартай, хараат бус, үр нөлөө бүхий ИНБ-уудыг бий болгоход оршино. Тодруулбал, Монгол Улсын Засгийн газрын “Цахим үндэстэн” стратегийн хүрээнд ИНБ-уудыг дижитал технологийн тусламжтайгаар нийгмийг хүчирхэгжүүлэх үндсэн үүргээ биелүүлэхэд нь дэмжлэг үзүүлэхийг зорьж байна.

Чадавх бэхжүүлэх хөтөлбөрийг дараах үндсэн зорилгуудын хүрээнд хэрэгжүүлнэ:

1. ИНБ болон ИНБ-уудын холбоо/сүлжээг сонгон шалгаруулж, 5 удаагийн чадавхжуулах үйл ажиллагаанд хамруулах;
2. Чадавхжуулах үйл ажиллагаанд амжилттай оролцсон оролцогчдод зориулсан хаалттай тэтгэлэгт төслийн уралдаанд оролцох боломж олгох.

Эхний зорилгын хүрээнд чадавх бэхжүүлэх хөтөлбөрт шалгарсан ИНБ-ууд доорх сэдвүүдийг хамарсан чадавх бэхжүүлэх үйл ажиллагаанд хамрагдана:

• Цахим шилжилттэй холбоотой Монгол улсад хүчин төгөлдөр мөрдөгдөж буй бодлого, хууль эрх зүйн зохицуулалтын өнөөгийн байдал, сайн туршлага, тулгарч буй сорилт бэрхшээл;
• Цахим шилжилтийн бодлого, хууль эрх зүйн зохицуулалттай холбоотой олон улс дах сайн туршлага;
• Монгол Улсын цахим шилжилтийн тэгш оролцоог нэмэгдүүлэх нөлөөллийн ажлын замын зураглалыг ИНБ-уудын хэрэгцээнд нийцүүлэн хэрэгжүүлэхэд чиглэсэн бүлгийн сургалтууд;
• Бодлогын нөлөөлөл, хууль эрх зүй, бодлогын баримт бичиг боловсруулах, шийдвэр гаргах үйл явц дахь ИНБ-ын оролцоо;
• Цахим шилжилтийн тэгш оролцоог нэмэгдүүлэх нөлөөллийн ажлын замын зураглалд тусгасан практик алхмуудыг хэрэгжүүлэх, хаалттай тэтгэлэгт төслийн уралдаанд илгээж болох төслийн санал боловсруулах.  

Хоёр дахь зорилгын хүрээнд, ИНБ болон албан ба албан бус ИНБ-ын холбоод, ИНБ-ын сүлжээнээс санаачилсан цахим шилжилтийн нөлөөллийн үйл ажиллагаанд санхүүгийн дэмжлэг үзүүлэхэд чиглэсэн тэтгэлэгт төслийн уралдааныг зарлаж шалгарсан төслийн санхүүжүүлнэ.

Тавигдах шаардлага

• Албан ёсны бүртгэлтэй ИНБ-ууд, албан ба албан бус ИНБ-ууын холбоо болон ИНБ-ын сүлжээ байх;
• Хөтөлбөрийн туршид буюу 4-6 долоо хоногийн хугацаанд нийт 25 цагийн хөтөлбөрт хамрагдах боломжтой байх;
• Цахим шилжилтийн бодлоготой холбоотой туршлагатай эсвэл бодлогын яриа хэлэлцээр, бодлого боловсруулалт болон шийдвэр гаргалт, бодлогын хэрэгжилтэд хяналт тавих хүсэл эрмэлзэл, сонирхолтой байх;
• Бодлогын хэлэлцүүлэг, хамтын нөлөөлөл хийх үйл ажиллагаануудад хамрагдах хүсэлтэй;
• Эмэгтэй ажилчдын эзлэх хувь хамгийн багадаа 30 хувь байх.

Хөтөлбөрт хамрагдах өргөдөл илгээх:

Сонирхсон байгууллагууд хөтөлбөрт хамрагдах хүсэлт бүхий өргөдлөө дараах холбоосоор ирүүлнэ үү: forms.office.com/e/EkCGYMcWLU

Өргөдөл хүлээн авах:

Хөтөлбөрт хамрагдах өргөдөл хүлээн авах эцсийн хугацаа 2025 оны 4-р сарын 02-ны өдрийн 23 цаг 45 минут. Бүрэн бус эсвэл хүсэлт хүлээн авах хугацаанаас хоцорсон өргөдлийг хүлээн авахгүй.

Үнэлгээний шалгуур:

Бүх өргөдөл гаргагчийг доорх хүснэгтэд үзүүлсэн матрицын дагуу үнэлж сонгон шалгаруулна.

Хугацаа:

Олон нийтийн санал бодол, хариу арга хэмжээний механизм:

DICE төсөл болон төслийн хүрээнд зохион байгуулж буй үйл ажиллагаатай холбоотой таны гомдол, санал хүсэлт, зөвлөмжийг бид нээлттэйгээр хүлээж авна. Хэрэв танд ямар нэгэн санал хүсэлт, гомдол байгаа бол cfrm.mongolia@peopleinneed.net хаягаар бидэнтэй холбоо барина уу.