Монгол улсын гольфийн тамирчид анх удаа Asian Development Tour-ийн олон улсын мэргэжлийн тэмцээнд оролцлоо

Asian Development Tour нь 2010 онд байгуулагдсан гольфийн цуврал тэмцээн бөгөөд Asian Tour /Азийн Мэргэжлийн Гольф/-д оролцох шалгуур болдог томоохон цуврал тэмцээн юм. Тус цуврал нь 2013 оноос Official World Golf Ranking /Дэлхийн гольфийн чансаа/-ний оноо авдаг болсон нь Азийн мэргэжлийн болон сонирхогчийн гольфийн тамирчдын өрсөлдөөнийг нэмэгдүүлсээр иржээ. 

2025 оны Asian Development Tour-ийн Lexus Challenge тэмцээн 2025 оны 03 сарын 19-21 өдрүүдэд Вьетнам улсын #1 талбай болох The Bluffs Grand Ho Tram талбайд зохион байгуулагдлаа. Тус тэмцээнд Монгол улсаа төлөөлөн Соёмбо Гольф Клубын тамирчин О.Солонгобат, Стар Гольф Клубын тамирчин М.Буян-Эрдэнэ  нар Вьетнам улсын Гольфийн Холбооны урилгаар оролцлоо. Дашрамд дурдахад Вьетнам улсын Гольфын Холбоонд хүсэлт тавьж тус тэмцээнд оролцох боломжоор хангасан Соёмбо Гольф Клубын гишүүн, Гольфийн спортын олон улсын шүүгч А.Сарнайд талархал илэрхийлэе.

 

 

Тэмцээнд мэргэжлийн болон сонирхогчийн гольфийн 137 тамирчин оролцсоноос О.Солонгобат 91, 76 цохиж +25 үзүүлэлттэй 120-р байр, М.Буян-Эрдэнэ 94, 85 цохиж +37 үзүүлэлттэйгээр 129-р байранд жагссан бол Вьетнам улсын сонирхогчийн гольфийн тамирчин Nguyễn Quang Za Vinh 76, 72, 78 цохиж +13 үзүүлэлттэйгээр 56-р байр эзэлж шилдэг сонирхогчийн гольфийн тамирчин /Best Amateur award/, Филиппин улсын мэргэжлийн гольфчин Aidric Chan 71, 67, 67 цохиж -8 үзүүлэлттэйгээр 1-р байр эзэллээ. 

 

Соёмбо Гольф Клуб цаашид залуу тамирчдаа дэмжиж, бэлтгэл сургуулилтыг нь хангах, олон улсын мэргэжлийн болон сонирхогчдийн гольфийн тэмцээнд тогтмол оролцох зорилго тавин ажиллаж байна. 

Соёмбо Гольф Клуб

Холбоосууд: 
Soyombo Golf Club: https://www.facebook.com/share/18L2y6q2RW/?mibextid=wwXIfr
Asian Development Tour: https://www.facebook.com/asiandevelopmenttour
Asian Tour: https://www.facebook.com/asiantourgolf 
Вьетнам улсын Гольфийн Холбоо: https://www.facebook.com/vietnamgolfassociation