Сэтгүүлч Н.Өнөрцэцэг нарын гурван эмэгтэйд Ерөнхийлөгч уучлал үзүүллээ
Олон улсын эмэгтэйчүүдийн эрхийг хамгаалах өдрийг тохиолдуулан Монгол Улсын Ерөнхийлөгч У.Хүрэлсүх хорих ангид ял эдэлж буй зарим эмэгтэйчүүдэд уучлал үзүүлжээ.
Тэдний нэг нь zarig.mn сайтыг үүсгэн байгуулагч Н.Өнөрцэцэг аж.
Ерөнхийлөгч Үндсэн хуулиар олгогдсон бүрэн эрхийнхээ хүрээнд дээрх эмэгтэйчүүдийн уучлал хүссэн захидлыг үндэслэн уг шийдвэрийг гаргасан байна.
Эх сурвалжийн хэлснээр Ерөнхийлөгчийн уучлал үзүүлэх зарлиг гарсан даруй хүчин төгөлдөр хэрэгжих бөгөөд Н.Өнөрцэцэгийг суллах процесс яг одоо явагдаж байгаа аж.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
