Улаанбурхан өвчнөөр долоон сартай хүүхэд өвджээ
IKON.MN
Гэрэл зургийг MPA агентлагийн онцгой зөвшөөрөлтэйгөөр ашиглав
Улаанбурхан өвчний зөөвөрлөгдсөн зургаа дахь тохиолдол лабораториор батлагдсаныг Халдварт Өвчин Судлалын Үндэсний Төв (ХӨСҮТ)-өөс мэдэгдлээ.
Уг батлагдсан тохиолдол өнгөрсөн сарын 14-нөөс 23-ныг дуустал болон хоёрдугаар сарын 28-наас гуравдугаар сарын 2-ны өдрүүдэд Чингэлтэй дүүргийн нэгдсэн эмнэлгийн хүүхдийн тасагт хэвтэн эмчлүүлж байсан улаанбурхан, гахай хавдар, улаануудын эсрэг товлолт вакцинд хамрагдах нас болоогүй буюу долоон сартай хүүхэд байна.
Иймд дээрх өдрүүдэд Чингэлтэй дүүргийн нэгдсэн эмнэлэгт хэвтэн эмчлүүлж байсан бол ХӨСҮТ-ийн Яаралтай тусламжийн тасгийн I болон II өрөөнд 08:30 - 17:30 цагт хандан үзлэгт орж, улаанбурханы эсрэг вакцинд хамрагдана уу.
Тодруулах зүйлээ 89016199, 75103100 тоот утсанд хандаж авах боломжтой аж.
Анхааруулга
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглахдаа эх сурвалжаа (ikon.mn) заавал дурдах ёстойг анхаарна уу!
