“Хөх сувд 2025” мөсний баяр Хөвсгөл аймагт 25 дахь удаагаа зохион байгуулагдаж байна

Энэ жилийн мөсний баяр Хатгал тосгоны Хөвсгөл нуурын эрэг, Хүй Толгойн урд Хайчийн аманд зохион байгуулагдаж байна.

Жил бүр мөсний баярыг зорин очих хүмүүсийн тоо нэмэгдэж сүүлийн 3 жилийн хугацаанд 5 дахин их зочид зорин очсон байна.

Мөсний баярыг Монгол оронд өвлийн аялал жуулчлалыг хөгжүүлэх, аялал жуулчлалын улирлын хугацааг уртасгах, Азийн цэвэр усны томоохон нөөц Хөвсгөл далай, түүний орчмын нутгийн үзэсгэлэнт байгалийг хамгаалах, аялал жуулчлалыг дэмжин орон нутгийнханд өвөл орлого олох боломжийг нэмэгдүүлэх зорилгоор 2000 оноос эхлэн зохион байгуулж байна. Монгол орныхоо үзэсгэлэнт байгалийг хайрлан хамгаалахын зэрэгцээ аялал жуулчлалыг хөгжүүлэх зорилгоор төр болон ААН байгууллагууд, Хөвсгөл аймгийн иргэд зохион байгуулдгаараа онцлог.

 

Фестивалын үеэр тахтай морин чарганы уралдаан, мөсөн урлал гээд олон сонирхолтой үзүүлэн, арга хэмжээнүүд болж байгаа ба иргэд мөсний баярын үеэрх зураг, сэтгэгдлээ цахим орчинд хуваалцан сэтгэл хангалуун баярлаж байна.

Зочид, аялагчдын төвлөрөл илт нэмэгдсэнээс үүдэлтэй сүлжээний хүртээмж муудахаас сэргийлэн Юнител групп сүлжээний өргөтгөл хийж иргэд, зочид жуулчдад найдвартай үйлчилгээ, найдвартай сүлжээг хүргэн ажиллаж байна. Ингэснээр зочид жуулчид цаг үеийн мэдээллийг цахим орчноос авах, цаг агаарын мэдээ болон онцгой байдал, цагдаагийн байгууллагаас өгч буй сэрэмжлүүлэх мэдээллийг цаг алдахгүй авах боломж бүрдэх юм. 

Мөн жил бүр Далай ээжийг бохирдуулахгүй баярлахыг зохион байгуулагч, иргэд уриалдаг. Харин Юнител групп байгальд ээлтэй хогийн савыг байршуулан оролцогч байгууллагууд зочид, иргэдийг хамтдаа хоггүй наадахыг уриалж байлаа.

 

Юнител группийн Хөвсгөл аймаг дахь Бизнес хариуцсан захирал Г.Болдбаатар: “Мэдээлэл харилцаа холбооны тэргүүлэгч  Юнител групп сүүлийн жилүүдэд хүн ам цөөтэй суурьшлын бүсүүд, мөн байгалийн дурсгалт газрууд аялал жуулчлалын бүсүүдэд сүлжээний өргөтгөлийг тасралтгүй хийж, дэд бүтцийг хөгжүүлсээр ирсэн. Өнөөдөр мөн өвлийн томоохон баяр дээр нутгийн иргэд, гадна дотнын зочдод энэхүү арга хэмжээнд оролцоход нь найдвартай сүлжээ, найдвартай үйлчилгээг хүргэх зорилгоор өөрсдийн санаачилгаар сүлжээний өргөтгөл хийн ажиллаж байна. Хөвсгөл аймгийн иргэд аялал жуулчлалаар дамжуулан орлогоо нэмэгдүүлэх боломжтой байдаг. Үүнд ч гэсэн сүлжээний хүртээмжтэй найдвартай байдал үйл ажиллагаагаа явуулахад чухал үүрэгтэй тул бид дэмжин оролцож байгаадаа баяртай байна” гэсэн юм. 

Хөвсгөл аймаг 2024 онд 126 орчим мянган жуулчин хүлээн авч дотоодын нийт бүтээгдэхүүн 48,4 тэрбумаар өсөж ачлал жуулчлалын салбарт үйл ажиллагаа эрхэлж байгаа иргэд, ААН-үүд 2,1 тэрбум төгрөгийн орлого төвлөрүүлж аялал жуулчлалаас орох орлого жилээс жилд өсөн нэмэгдэж байна. 

 

Ц.Гансүх Хөвсгөл аймгийн Засаг даргын орлогч:

“Өмнөх жилүүдэд Мөсний баярыг хоёр өдөр зохион байгуулдаг байсан бол энэ жил 10 өдрийн турш зохион байгуулж байгаагаараа онцлог. Дэлхийн цэнгэг усны 0.4 хувийг эзэлдэг Хөвсгөл далайг хамгаалахын зэрэгцээ аялал жуулчлалыг хөгжүүлэх зорилготой ажлуудыг хийсээр байгаа. Үүний нэг нь бид сумдыг засмал замаар холбох дэд бүтцийн ажлыг төлөвлөн хэрэгжүүлж эхлээд байна. Энэ нь орон нутагт үйл ажиллагаа явуулж буй иргэд ААН-үүдээ дэмжих, тогтвортой үй ажиллагаа явуулахад нь томоохон суурь болно” гэдгийг онцоллоо.

Мөсний баярын үеэрх фотог хүргэж байна.

ФОТО: