БНХАУ-тай арилжсан нүүрсний хилийн дундаж үнэ тонн тутамд $81 болж, өмнөх оны мөн үетэй харьцуулахад $38-аар буурчээ

Гэрэл зургийг MPA агентлагийн онцгой зөвшөөрөлтэйгөөр ашиглав

Монгол Улсын 2025 оны нэгдүгээр сарын гадаад худалдааны мэдээллийг Үндэсний Статистикийн Хороо (ҮСХ)-ноос танилцуулав. 

Манай улс өнгөрсөн сард 108 улстай худалдаа хийж, нийт бараа эргэлт хоёр тэрбум ам.долларт хүрчээ. Үүнээс экспорт нэг тэрбум ам.доллар, импорт 973.2 сая ам.доллар байгаа юм.

 

ЭКСПОРТ, ИМПОРТ, ТЭНЦЭЛ

Ингэснээр гадаад худалдааны тэнцэл 46 сая ам.долларын ашигтай гарсан нь өмнөх оны мөн үеэс 285.8 мянган ам.доллароор буурсан үзүүлэлт болжээ. Нийт экспорт энэ оны нэгдүгээр сард өмнөх оны мөн үеэс 247.2 сая ам.доллароор буурсан бол импорт 38.6 саяар өссөн байна. 

 

ЭКСПОРТЫН ГОЛ НЭРИЙН БҮТЭЭГДЭХҮҮН, жил бүрийн 1 дүгээр сарын байдлаар, сая ам.доллар

Экспорт 2025 оны нэгдүгээр сард өмнөх оны мөн үеэс 247.2 сая ам.доллароор буурахад нүүрс 340.2 сая ам.доллар, мал амьтны самнасан үс хялгас 10.6 сая ам.доллар, төмрийн хүдэр, баяжмал 6.0 сая ам.доллароор тус тус буурсан нь голлон нөлөөлжээ. Харин алт 50.2 сая ам.доллар, зэсийн хүдэр ба баяжмал 43.4 сая ам.доллароор өссөн байна.

 

ЭКСПОРТЫН ГОЛ НЭРИЙН БҮТЭЭГДЭХҮҮН, жил бүрийн 1 дүгээр сарын байдлаар, сая ам.доллар

 

БНХАУ-РУУ ЭКСПОРТОЛСОН НҮҮРСНИЙ ХИЛИЙН ДУНДАЖ ҮНЭ, тонн, ам.доллароор

Импорт өмнөх оны мөн үеэс 38.6 сая ам.доллароор өсөхөд дизелийн түлш 19.7 сая ам.доллар, суудлын автомашин 19.5 сая ам.доллар, тээврийн хэрэгслийн сэлбэг, эд анги 18 сая ам.доллар, ачааны автомашин 11.8 сая ам.доллароор тус тус өссөн нь голлон нөлөөлжээ. Харин нийтийн тээврийн хэрэгсэл 39.5 сая ам.доллароор буурсан байна.

 

ИМПОРТЫН ГОЛ НЭРИЙН БҮТЭЭГДЭХҮҮН, жил бүрийн 1 дүгээр сарын байдлаар, сая ам.доллар