ФОТО: Э.Цэндбаатар Төв Азийн аварга боллоо
Монгол Улсын Гавьяат тамирчин Эрдэнэбатын Цэндбаатар өнөөдөр мэргэжлийн боксын 12 дахь тулаанаа "Аса Арена"-д хийлээ.
Тэрбээр WBA холбооны Төв Азийн аваргын бүсийн төлөөх тулааныг Мексикийн боксчин Педро Барнел Родриготой хийсэн юм. 10 үеийн турш үргэлжлэхээр төлөвлөж байсан тус тулааны зургаадугаар үед Э.Цэндбаатар өрсөлдөгчөө хүнд цохилтоор буулган авч, мэргэжлийн боксод ялагдаагүй цувралаа үргэлжлүүллээ.
Өнгөрсөн оны аравдугаар сарын 16-нд Фрэнси Фортунатог ялснаар WBA холбооны Хойд Америк тивийн аварга болсон Э.Цэндбаатар энэ удаад жин өгсөж, зургаа дахь аваргын бүсээ зүүлээ.
Энэ өдрийн оргил үйл явдал бол Монгол Улсын Гавьяат тамирчин Н.Төгсцогт эргэн ирсэн юм. 2022 оны долдугаар сард Сакариа Лукастай тэнцсэнээс хойш мэргэжлийн боксын рингэнд гараагүй тэрбээр Филиппиний боксчин Марк Антонитой зургаан үеийн турш тулалдаад шүүгчдийн нэгдсэн саналаар ялалт байгууллаа.
ФОТО
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
