• 2 сарын 12, Лхагва
|
Уншиж байна ...

Богд хааны ордон музей орчимд агаар маш их бохирдолтой буюу хүхэрлэг хийн хэмжээ 700-г давлаа

Д.Янжиндулам, ikon.mn
2 цаг 54 минутын өмнө
iKon.MN
Зураг зураг
Гэрэл зургийг MPA агентлагийн онцгой зөвшөөрөлтэйгөөр ашиглав

Өнөөдөр буюу 2025 оны хоёрдугаар сарын 12-ны 09:30 цагийн байдлаарх Улаанбаатар хотын агаарын чанарын индексийг мэдээллээ.

Энэ тухай Нийслэлийн Агаар, Орчны Бохирдолтой Тэмцэх Газрын агаарын чанарын хяналт хариуцсан мэргэжилтэн Б.Адъяа-Очир "Одоогийн байдлаар Мишээл экспо, 100 айл, Бөхийн өргөө орчмоор агаарын чанар хэвийн байна.

Нисэх, Яармаг, ДЦС, Баруун дөрвөн зам, Амгалан, Ургах наран хороолол, Шархад, Дамбадаржаа, Таван буудалд агаар бага бохирдолтой бол Налайх, Толгойт, Нэгдүгээр хороолол, Баянхошуу, Зурагтад бохирдолтой буюу улаан түвшинд байна.

Харин Хан-Уул дүүргийн нутаг дэвсгэр дэх Богд хааны музей орчимд агаар маш их бохирдолтой буюу хүхэрлэг хий/SO2/ 700-г давсан болохыг" мэдээллээ. Агаарын чанарын индексийн мэдээллийг agaar.mn сайтаас авах боломжтойг тэрбээр дурдав.

Агаарын чанар маш их бохирдолтой үед хүн бүр гадаа биеийн хүч шаардсан ямар ч төрлийн ажил хийхээс зайлсхийх, архаг хууч өвчтэй хүмүүс даралтаа тогтмол хянах, эмчийн хяналтад байж эмийг хугацаанд нь уух, амны хаалт зүүхийг эрүүл мэндийн байгууллагаас зөвлөж байна.

Өчигдөр Нэгдүгээр хороолол, 100 айл, Ургах наран, Хайлааст, Таван буудал, Шархад, Налайх, Толгой, Баянхошуу орчимд хүхэрлэг хий, PM10 тоосонцор Нэгдүгээр хороолол, Дамбадаржаад, PM2.5 тоосонцор Нэгдүгээр хороолол, Таван буудал, Толгойт, Зурагт, Дамбадаржаа, Баянхошуунд агаарын чанарын стандартаас давжээ.