"Таван жилийн өмнө Монголын хүн ам шим тэжээлийн өлсгөлөнд өртсөн гэж дүгнэсэн нь одоо ч хэвээр байна"

Гэрэл зургийг MPA агентлагийн онцгой зөвшөөрөлтэйгөөр ашиглав

“Монгол Улсын хүн амын хоол тэжээлийн байдал” үндэсний VI судалгааны үр дүнгийн ерөнхий дүгнэлтийг танилцуулж байна. 

Монгол Улсын хоол тэжээлийн зорилтуудад ахиц гарсан ч хооллолтын чанар, хоногт хэрэглэх хүнсний бүтээгдэхүүний нэр төрөл хангалтгүй хэвээр байна. Таван жилийн өмнөх судалгаагаар монголын хүн ам шим тэжээлийн өлсгөлөнд өртсөн байна гэж дүгнэсэн нь одоо ч хэвээр байна. 

Хоол тэжээлийн гурван давхарт дарамт зэрэгцэн оршиж, амьдралын чанарт сөргөөр нөлөөлөхийн зэрэгцээ эрүүл мэндийн зардлыг нэмэгдүүлж, үндэсний хөгжлийн урт хугацааны сорилт болж байна. 

Хүүхэд, эмэгтэйчүүдийн дунд бичил тэжээлийн дутал түгээмэл хэвээр, хүүхэд өсвөр насныхны дунд нэмэгдэх хандлагатай байна. 

Тав хүртэлх насны хүүхдийн дунд өсөлт хоцролтын тархалт 2017 оны түвшнээс нэмэгдсэн, цочмог дутал зарим бүс нутагт нэмэгдсэн байна. 

Хооллолт, хоол тэжээлийн байдлыг сайжруулах, ялангуяа бичил тэжээлийн дутлыг бууруулахад эрүүл мэнд, хөдөө аж ахуй, хүнсний үйлдвэрлэл, худалдаа, нийгмийн хамгаалал, хөдөлмөрийн орчин, боловсрол, дэд бүтэц зэрэг олон салбарын уялдаа холбоо бүхий бодлого, хамтын ажиллагаа шаардлагатай. 

Олон улсын дэмжлэг багасаж, засгийн газрын санхүүжилт хангалтгүй, бодлого зохицуулалт тодорхой бус байгаа нь бичил тэжээлийн хангамж тогтвортой, хүртээмж хангалтгүй байгаад нөлөөлж байна гэж дүгнэжээ.