"The MongolZ" өндөр чансаатай тэмцээний шөвгийн дөрөвт үлдсэн Азийн анхны баг болж байна
Цахим спортын "Counter Strike 2" тоглоомын 1.2 сая ам.долларын шагналын сантай "Intel Extreme Masters Katowice 2025" тэмцээний шөвгийн дөрвөн багийн тоглолт өнөө шөнө болж байна.
Энэ тэмцээнд урилгаар оролцож буй манай улсын "The MongolZ" баг шөвгийн дөрөвт Францийн "Team Vitality" багтай "Во3" (гурван "map"-аар ялагчийг тодруулах) журмаар тоглож, 0:2-оор хожигдлоо.
Манай улсын баг өөрсдийнхөө сонгосон "Mirage map" дээр довтлох талаасаа эхэлж, таван үе дараалан алдсан. Үргэлжлүүлэн онооны харьцааг барьж чадсан боловч 5:7-оор байраа солилоо. Хамгаалах талаасаа хоёр үе авснаар 7:13-аар хожигдсон.
Францын багийн сонгосон "Nuke map" дээр хамгаалах талаасаа эхэлж 8:4-өөр байраа сольсон. Улмаар довтлох талаасаа таван үе авсан 9:13-аар хожигдлоо.
Ийнхүү "The MongolZ" баг "Intel Extreme Masters Katowice 2025" тэмцээнээ шөвгийн дөрвийн шатнаас өндөрлүүлснээр 108,000 ам.долларын шагнал хүртэж байна. Мөн анх удаа Азийн баг өндөр чансаатай тэмцээний шөвгийн дөрөвт үлдсэн амжилтын эзэд боллоо.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
Баярлалаа
