2025 ОНЫ ИПОТЕКИЙН ЗЭЭЛИЙН НӨХЦӨЛД ЯМАР ӨӨРЧЛӨЛТ ОРСОН БЭ?

Төрийн хөнгөлөлттэй зээлийн бүтээгдэхүүн буюу ипотекийн зээл нь гэр хороололд амьдарч буй иргэдээ орон сууцжуулж илүү тав тухтай амьдруулах, гэр хорооллын тоог багасгаж агаарын болон хөрсний бохирдлыг бууруулах үндсэн зорилготой юм. 

Ипотекийн зээлийг орон сууцны талбайн хэмжээнээс хамаарч хүүгийн шаталсан хувилбар санал болгохоор Хот байгуулалт, барилга орон сууцжуулалтын яамнаас төлөвлөн ажиллаж байна. Учир нь Монгол банкнаас гаргасан судалгаагаар нийт зээл авсан иргэдийн хүсэмжит талбайн хэмжээ 50мкв-60мкв байгаа бөгөөд 50мкв доош гэх мэт тодорхой талбайн хэмжээ заах боломжгүй гэсэн дүгнэлттэй байгаа бөгөөд зээлдэгчийн орлогын эх үүсвэрээс хамаарч тухайн өөрчлөлтийг оруулахаар болжээ.  

Мөн Дэлхийн банкнаас ирүүлсэн зөвлөмжийн дагуу орон сууцны талбайн хэмжээ багасах тусам зээлийн хүү дагаад бууруулах, талбайн хэмжээ томрох тусам зээлийн хүү ихэсдэг тогтолцоог нэвтрүүлэхээр төлөвлөж 40 хүртэлх мкв талбай бүхий орон сууцанд 4%, 100 мкв талбай бүхий орон сууцанд 11-12% хүүтэй зээл олгохоор судалгаа хийгдсэний дагуу хэрэгжүүлэхээр төлөвлөж байна. 

Ипотекийн зээлийн зорилтот хэрэглэгчид нь дундаж болон дунджаас доош орлоготой иргэд бөгөөд энэхүү зорилтот бүлгийн хэрэглэгчид нь нийт зээлд хамрагдсан өрхүүдийн 53.9% эзэлж байна. Аль болох анхдагч зээлдэгчид буюу дунджаас доош орлоготой иргэдийг боломжит хамгийн бага хүүгээр энэхүү зээлд хамруулахыг зорьж байна. Харин ипотекийн зээлд хоёр дахь удаагаа хамрагдах сонирхолтой байгаа иргэдийн хувьд илүү өндөр хүү санал болгох зохицуулалтуудыг оруулаад байгаа юм байна.

Хэрэв та Ипотекийн зээлээр орон сууцтай болохоор төлөвлөж байгаа бол доорх линкээр орж мэдээллээ үлдээнэ үү. Танд ипотекийн зээлээр авах боломжтой орон сууцны мэдээллийг хүргүүлэх болно.

Ипотек 6%

 

Нийтлэл бичсэн:  /А.Болорчимэг/