Ирэх сарын 1-нээс 100 хувь самнасан ноолуурыг экспортод гаргана

Гэрэл зургийг MPA агентлагийн онцгой зөвшөөрөлтэйгөөр ашиглав

Засгийн газрын ээлжит хуралдааны шийдвэрээр 100 хувь самнасан ноолуур экспортод гаргах болсныг Хүнс, хөдөө аж ахуйн сайд Ж.Энхбаяр мэдээлэв.

Тэрбээр "Манай улс 100 хувь угаасан ноолуураа самнах, дараагийн түвшинд гаргах боломж бүрдсэн тул ирэх сарын 1-нээс самнасан ноолуураа экспортод гаргах боломжтой боллоо. Энэ нь Монгол Улсын Ерөнхийлөгчийн санаачилгаар хэрэгжүүлж байгаа "Цагаан алт" хөтөлбөрийн хүрээнд ноос, ноолуурыг арьс ширийн салбарын боловсруулалтын түвшинд сайжруулах бодлогоор хэрэгжүүлж буй юм.

Зөвхөн угаасан бус самнасан ноолуурыг экспортод гаргаснаар $260 гаруй саяын нэмүү, өртгийг Монгол Улс үндэсний үйлдвэрүүдэд үлдээх боломжтой болно" гэв.