Маргааш буюу Ерөнхийлөгч агсан П.Очирбаттай салах ёс гүйцэтгэх арга хэмжээний үеэр зам хаах маршрут

Төрийн тэргүүн У.Хүрэлсүх анхны Ерөнхийлөгч П.Очирбатыг таалал төгссөнтэй холбогдуулан 2025 оны нэгдүгээр сарын 24-ний Баасан гарагийн 07:00 цагаас нэгдүгээр сарын 25-ны Бямба гарагийн 00:00 цаг хүртэлх хугацаанд орон даяар Төрийн далбааг 45 хэмээр бөхийлгөх буюу Төрийн далбааны ишний гуравны хоёрт хүртэл буулган гашуудал зарлах тухай зарлиг гаргаад байгаа билээ.  

Гашуудлын өдөр буюу маргааш өглөө Улсын гуравдугаар эмнэлгээс Алтан-Өлгий дурсгалын цэцэрлэгт хүрээлэн хүртэл зам хаах маршрутыг хүргэж байна. 

Улсын гуравдугаар эмнэлгээс Төрийн ордонд ирэх маршрут: 

• 06:40-07:00 Улсын гуравдугаар эмнэлгээс Төв шуудангийн уулзвар 
• 07:00-07:20 Төв шуудангийн уулзвараас Төрийн ордон (Ордны баруун талын зам) Цуваа явж өнгөрсний дараа хөдөлгөөнийг нээнэ.  

 

Төрийн ордноос Алтан-Өлгийн дурсгалын цэцэрлэгт хүрээлэн орох маршрут:

• 09:40-10:00 Төрийн ордноос Сэлбэ голын гүүрний төгсгөл хүртэл 
• 10:00 цагт Сэлбэ голын гүүрний төгсгөлөөс Алтан-Өлгий оршоох газрын чиглэлд хөдөлнө. Цуваа явж өнгөрсний дараа хөдөлгөөнийг нээнэ.