• 1 сарын 22, Лхагва
|
Уншиж байна ...

"Нэгдүгээр сарын 24-ний Баасан гарагт олон нийтийг хамарсан урлаг, спортын арга хэмжээ зохион байгуулахыг хориглоно"

Б.Бадамгарав, IKon.mn
1 цаг 45 минутын өмнө
iKon.MN
Зураг зураг
Гэрэл зургийг MPA агентлагийн онцгой зөвшөөрөлтэйгөөр ашиглав

Засгийн газрын ээлжит хуралдаанаас гарсан шийдвэрийг танилцуулж байна. 

ЗГХЭГ-ын дарга Н.Учрал "Монгол Улсын Ерөнхийлөгчөөр ажиллаж байсан, төр нийгмийн нэрт зүтгэлтэн, Чингис хаан тэргүүн зэргийн одонт П.Очирбат таалал төгссөнтэй холбогдуулж, орон даяар гашуудал зарлах Ерөнхийлөгчийн зарлиг гарсан.

Иймд Засгийн газраас 2025 оны нэгдүгээр сарын 24-ний Баасан гарагт 07:00 цагаас 25-ны 00:00 цагт буюу бүтэн өдрийн турш орон даяар гашуудал зарлахад баримтлах дэгийг баталлаа. Энэ хугацаанд тугийг 45 хэмээр буулгах, олон нийтийг хамарсан урлаг спорт, биеийн тамирын үйл ажиллагаа, соёл урлагийн арга хэмжээ зохион байгуулахыг хориглоно.

БНМАУ-ын анхны Ерөнхийлөгч П.Очирбат агсныг төрийн ёслолын дагуу гүн хүндэтгэлтэйгээр сүүлийн замд нь үдэхээр оршуулгын комиссыг  байгуулсан.

Төрийн тэргүүнээр ажиллаж байсан хүнээ гүн хүндэтгэлтэйгээр сүүлчийн замд нь үдэх арга хэмжээ нэгдүгээр сарын 24-ний Баасан гарагийн 07:40-09:40 цагт зохион байгуулна" гэв.

Түүнчлэн тэрбээр "Ерөнхийлөгчийн зарлигийг хэрэгжүүлэхэд ард иргэдийн дэмжлэг туслалцаа их хэрэгтэй. Та бүхнийг энэ өдрийг хүндэтгэн хүлээн авч, анхны Ерөнхийлөгчийнхөө нийгэм, эдийн засгийн амьдралд гүйцэтгэсэн үүргийн талаар олон нийтэд зөв мэдээ мэдээлэл түгээн дэлгэрүүлэхийг хүсэж байна" хэмээлээ.

Шууд үзэх: 
https://fb.watch/xgfr_m9AZU/