Agro Expo 2025 олон улсын хөдөө аж ахуй, газар тариалангийн салбарын хамгийн том үзэсгэлэн 4 сарын 4-6-ны өдрүүдэд зохион байгуулагдана

Agro Expo 2025 олон улсын хөдөө аж ахуй, газар тариалан, ойн аж ахуйн салбарууд нэгдсэн хамгийн том үзэсгэлэн 4 сарын 4-6-ны өдрүүдэд Буянт-Ухаа спортын ордонд зохион байгуулагдана.

Үзэсгэлэнг Хөдөө аж ахуй, хөнгөн үйлдвэрийн яам, Монголын худалдаа аж үйлдвэрийн танхим, Монголын тариаланчдын үндэсний холбоо, Монголын мод үржүүлэг, цэцэрлэгжүүлэлтийн мэргэжлийн байгууллагуудын холбоо ТББ дэмжин ажиллаж байна.

Үзэсгэлэнд олон улсын байгууллагууд  аймаг сумдын холбогдох төлөөллүүд, салбарын бизнес эрхлэгчид, мал аж ахуй, ферм, газар тариалангийн чиглэлээр үйл ажиллагаа явуулдаг компаниуд, өрхийн бизнес эрхлэгчид, тоног төхөөрөмж импортлогчид, үйлдвэрлэгчид оролцох юм.

Agro Expo 2025 үзэсгэлэн дээр хөдөө аж ахуй, газар тариалангийн  дэвшилтэт техник тоног  төхөөрөмжүүд танилцуулагдах бөгөөд зөвхөн үзэсгэлэнгийн 3 өдөр онцлох техник, тоног төхөөрөмжүүд хямдралтай, бэлэгтэй борлуулагдах юм. Мөн малын тэжээл, бордоо, ойн аж ахуйн, цэцэрлэгжүүлэлтийн бизнес эрхэлдэг аж ахуйн нэгжүүд, суулгац, зүлэг, цэцгийн үр нийлүүлэгчид бүтээгдэхүүн үйлчилгээгээ танилцууллаа.

Үүнээс гадна судлаач, эрдэмтэн, профессор, шинжээч, хөдөө аж ахуйн мэргэжилтнүүд салбарт бий болж буй өсөлт дэвшил, хөгжлийн талаар мэдээ мэдээллээр хангах ба зорилтод бүлэгт зориулж олон улсын бизнес эрхлэгчид туршлагаасаа хуваалцах томоохон арга хэмжээ болно.

 Агро Экспо 2025 үзэсгэлэн нь салбар дундын харилцаа холбоог сайжруулах, хамтын ажиллагааг өргөжүүлэх, хөдөө аж ахуйн өнөөгийн хөгжил дэвшлийг нийтэд харуулах, шинэ боломжийг олгох, эрэлхийлэх эрхэм зорилготой бөгөөд  олон улсын зах зээлтэй шууд холбох гүүр болохоор томоохон зорилт тавин ажиллаж байна.

Үзэсгэлэн олон улсын стандартыг ханган, өндөр зохион байгуулалт дор зохион байгуулагдана. Дэлгэрэнгүй мэдээллийг доорх хаягаар авах бүрэн боломжтой.

Холбогдох дугаар: +976 77773010

Веб Сайт: www.agroexpo.mn

Мэйл хаяг: conference@minex.mn