Galaxy Unpacked 2025: Ирээдүй таны бодсоноос ч ойрхон байна!

 

Samsung Electronics компани технологийн хязгаарыг тасралтгүй тэлж, ирээдүйн хандлагыг тодорхойлсоор ирсэн билээ. Тэгвэл Монголын цагаар 2025 оны 1-р сарын 23-ны 02:00 цагт АНУ-ын Сан Хосе хотод Galaxy Unpacked арга хэмжээ зохион байгуулагдаж, гар утасны технологийн шинэ эрин үеийг эхлүүлэхэд бэлэн болжээ.

Энэхүү арга хэмжээний гол онцлог нь Samsung-ийн алдарт Galaxy S цувралын дараагийн үе болон хиймэл оюуны хамгийн дэвшилтэт шийдлүүдийг танилцуулахад орших бөгөөд гар утасны ирээдүйг тодорхойлох түүхэн мөч болох юм.

Samsung-ийн Galaxy AI нь хэрэглэгчийн өдөр тутмын амьдралыг хялбарчилж, хэрэглээг илүү ухаалаг болгоход зориулагдсан гэдгээрээ дэлхийд танигдаад хэдийнээ жил гаруй хугацаа өнгөрөөд байгаа билээ.  Таны хэрэгцээг урьдчилан таамаглаж, өдөр тутмын ажлуудыг хөнгөвчлөх энэхүү хиймэл оюун ухаан нь амьдралын чанарыг урьд өмнө байгаагүй түвшинд удахгүй болох Galaxy Unpacked нээлтээр хүргэнэ гэж мэргэжилтнүүд үзэж байна.

Энэ жилийн Galaxy Unpacked арга хэмжээний үеэр Samsung компани хиймэл оюунд суурилсан дэвшилтэт гүйцэтгэл, өндөр нарийвчлалтай камерын технологи, мөн хэрэглэгчийн онцлогт нийцсэн хувийн тохиргооны шинэ боломжууд болон илүү ухаалаг, хэрэглэгчдэд ээлтэй  экосистемийг Galaxy S загваруудаараа танилцуулна гэж үзэж байна.

Samsung Galaxy төхөөрөмжүүд нь бодит цагийн мэдээлэлд суурилсан ухаалаг зөвлөмжүүд, автоматжуулсан туслах үйлчилгээний ачаар өдөр тутмын амьдралыг илүү үнэ цэнтэй, хялбар болгох зорилготой. Энэхүү шийдлүүд нь цаг хэмнэлт, үр бүтээлтэй байдлыг хангахаас гадна хэрэглэгчдийн амьдралын чанарыг мэдэгдэхүйц сайжруулна.

Ийнхүү технологийн дэвшил хүний амьдралтай хэрхэн нягт уялдаж, ирээдүй хаашаа чиглэгдэхийг гэрчлэх л үлдлээ!