Б.Жавхлан: Татварын багц шинэчлэлээр хувь хэмжээг нэмэхгүй
Засгийн газрын хуралдаанаас гаргасан шийдвэрийн талаар Сангийн сайд Б.Жавхлан мэдээлэл өгөв. Энэ үеэр тэрбээр хаврын чуулганд өргөн барихаар бэлдэж буй Татварын багц хуулийн өөрчлөлтийг талаар товч танилцууллаа.
Сангийн сайд Б.Жавхлан "Хаврын чуулганаар Татварын багц хуулийн төслийг өргөн барина. Энэ удаад Засгийн газраас өргөн барих татварын шинэчлэлийн цөм нь Нэмэгдсэн өртгийн албан татвар байх болно. Татварын байгууллагын сүүлийн 10 орчим жил хөгжүүлж байгаа E barimt систем маш боловсронгуй болсон. Зарим орнууд манай E barimt системийг туршлага болгож, биднээс суралцаж байгаа.
Эдгээр боломжууд дээр суурилаад бид НӨАТ-ын шинэчлэлийг хийнэ. НӨАТ төлөгчдийн 10 хувь нь нийт НӨАТ-ын орлогын 60 хувийг бүрдүүлдэг. Тэгэхээр хавтгайруулж хөнгөлөлт эдлүүлэх биш аль болох бага орлоготой хэсэг рүү буцаан олголт, хөнгөлөлтийг өгөх агуулгатай байна.
Татварын багц хууль өргөн барихтай холбогдуулан 1, 2, 3 дугаар саруудад олон нийтийн дунд хэлэлцүүлэг явуулна. Сангийн яам цахим хэлбэрээр олон нийтээс санал аваад эхэлсэн.
Татварын багц өөрчлөлтөөр хувь хэмжээг нэмэхгүй. Төсвийн орлого талдаа татварын суурийг нэмэх зарчим барина. Олон нийтийн хэлэлцүүлгээр энэ бүхнийг нарийвчлан хэлэлцэж, саналуудыг тусгах болно" гэв.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
Баярлалаа
|
32 СЭТГЭГДЭЛТЭЙ
|
