Өдөрт 4,000 гаруй тонн хог хаягдлыг ландфил технологиор устгаж байна

Гэрэл зургийг MPA агентлагийн онцгой зөвшөөрөлтэйгөөр ашиглав

Өнөөдөр 09:00 цагийн байдлаар нийслэлийн хэмжээнд нийтийн эзэмшлийн зам талбайг нийт 33 байгууллагын 1,100 гаруй зам талбайн үйлчлэгч, 120 гаруй тусгай зориулалтын техник хэрэгсэлтэйгээр цэвэрлэж, нийт 4,517 тонн давс, 6,580.5 тонн бодис үлдсэн гэж УБЗАА-наас мэдээллээ.

Харин Хот Тохижилтын Газрын 121 ажилтан 18 техниктэйгээр айл өрх, аж ахуйн нэгж байгууллагаас төвлөрсөн цэгт тээвэрлэгдэн ирсэн хог хаягдлыг ландфил технологийн дагуу дарж булшилдаг аж.

Өнөөдөр л гэхэд Нарангийн, Цагаан давааны болон Морингийн давааны хогийн цэгүүд рүү нийт 427 машин 986 рейсээр 4,070 тонн хог хаягдал зөөвөрлөжээ. Хог хаягдлын цэгүүдэд өдөрт 4,000 гаруй тонн хог хаягдал хүлээж авдаг байна.

Ландфил нь хог хаягдлыг дарж булах технологи юм. Уг технологийг Улаанбаатар хотын хог хаягдлын төвлөрсөн цэгүүдэд 2020 оноос нэвтрүүлжээ.