Зайсангийн хуучин гүүрний хөдөлгөөнийг өчигдөр орой хаажээ

Хан-Уул дүүргийн 11 дүгээр хороо, Зайсангийн зүүн буюу хуучин гүүрний хөдөлгөөнийг өчигдөр 23:00 цагт хаажээ. 

Тус гүүрний хөдөлгөөнийг нэгдүгээр сарын 10-нд хаана гэж мэдэгдэж байсан ч хоёр хоногоор хойшлуулж өчигдөр орой хаасан болохыг НЗДТГ-ын хэвлэл мэдээлэл, олон нийттэй харилцах хэлтсээс мэдээлэв.

Харин баруун гүүрний замын хөдөлгөөнийг сөрөг урсгалтай болгосон байна. 

Хуучин гүүрийг өнөөдрөөс буулгаж эхлэх бөгөөд наадмаас өмнө буюу долдугаар сарын 10-нд гүүрний шинэчлэлийн ажлыг дуусгаж, ашиглалтад оруулахаар төлөвлөжээ. Уг гүүрний өргөтгөл, шинэчлэлийн ажилд нийслэлийн 2025 оны төсвөөс 15.8 тэрбум төгрөгийг зарцуулна.