ФОТО: Нийслэлчүүд төв талбайдаа шинэ оноо угтлаа

Гэрэл зургийг MPA агентлагийн онцгой зөвшөөрөлтэйгөөр ашиглав

Нийслэлчүүд уламжлалынхаа дагуу өчигдөр урлагийн тоглолт үзэж, шинэ оноо төв талбайдаа угтацгаалаа.

2024 оны сүүлийн өдөр "Хурд", EMOTION хамтлагийн уран бүтээлчид, LUMINO хамтлаг зэрэг уран бүтээлч цугласан олонд ая дуугаа өргөж, баяр дээр нь баяр нэмсэн юм.

Мөн өчигдрийн гол онцлог нь 18:00-00:00 цагт дулаан тохилог дулаан асарт урлагийн тоглолт, худалдаа үйлчилгээ эрхлэх, халуун хоолны явуулын цэгүүд ажиллаж, иргэд олон нийтэд хүргэлээ. Худалдаа, үйлчилгээ эрхэлж буй газруудад улсын (ахлах) байцаагч, албан хаагчид хяналт тавьж, хүнсний аюулгүй байдлыг хангуулж ажиллахаас гадна эмнэлгийн яаралтай тусламжийн баг бэлэн байдлыг ханган ажиллав.

Иргэд олон нийтийн аюулгүй байдлыг хангах үүднээс болзошгүй гал түймрийн аюулаас хамгаалах онцгой байдлын 70 алба хаагч гал унтраах зориулалтын хоёр автомашинтай, он солигдох мөчид ёслолын буудлага хийх үеийн аюулгүй байдлыг хангуулан хамгаалалт, зохицуулалтын ажлыг хийж гүйцэтгэлээ.

ФОТО: