"Багануурын батарей хуримтлуурын станц таван аймгийн хэрэглээг хангах хэмжээний эрчим хүч нийлүүлж байна"

Багануур дүүргийн нэгдүгээр хорооны нутагт байрлах 50мвт хүчин чадалтай 200мвт.цаг багтаамжтай батарей хуримтлуурын станц энэ сарын 5-ны өдрөөс эхлэн төвийн бүсийн нэгдсэн системд эрчим хүч нийлүүлж эхэлсэн.

Өнөөдрийн байдлаар тус станц төвийн системд 4,776 МВт эрчим хүч нийлүүлжээ.

Ингэснээр өдөрт дунджаар 25,000 айл өрхийг оргил ачааллын үед цахилгааны хязгаарлалтаас сэргийлж байна.

Өөрөөр хэлбэл таван аймгийн цахилгааны хэрэглээг хангах хэмжээний эрчим хүч нийлүүлж байна гэсэн үг юм гэж НЗДТГ-ын хэвлэл мэдээлэл, олон нийттэй харилцах хэлтсээс мэдээллээ.