Ерөнхийлөгчийн цомын барилдаанд зодоглохоор улсын цолтой 52 бөх бүртгүүлжээ

Гэрэл зургийг MPA агентлагийн онцгой зөвшөөрөлтэйгөөр ашиглав

Үндэсний эрх чөлөө, тусгаар тогтнолоо сэргээн мандуулсны 113 жилийн ой тохиож байна.

Энэхүү өдөрт зориулсан Ерөнхийлөгчийн цомын төлөөх улс, аймгийн алдар цолтой шилдэг 128 бөхийн барилдаан өнөөдөр Монгол бөхийн өргөөнд болно.

Тодруулбал дархан аварга Н.Батсуурь, улсын аварга П.Бүрэнтөгс, О.Хангай, улсын арслан Б.Орхонбаяр, Ц.Бямба-Отгон, Р.Пүрэвдагва нарын улсын цолтой 52 бөх барилдахаар бүртгүүлжээ.

Сонирхуулахад Ерөнхийлөгчийн цомын төлөөх барилдааныг 2013 оноос уламжлал болгон зохион байгуулж ирсэн.

Анхны барилдаанд улсын заан Б.Пүрэвсайхан начин цолтойдоо түрүүлж байв. 

Тэгвэл өнгөрсөн жил Д.Амарсайхан начин өнгөлж, улсын заан Б.Бат-Өлзий үзүүрлэсэн юм.