Оны эхний 11 сард төрөлт өнгөрсөн жилийн мөн үеэс 10.6 хувь буурч, нас баралт 3.6 хувиар өсөв
2024 оны эхний 11 сард 53.1 мянган хүүхэд төржээ.
Үүнийг өнгөрсөн оны мөн үетэй харьцуулбал 6.3 мянга буюу 10.6 хувиар буурсан дүн юм. Харин нас баралт 16.4 мянга бүртгэгдсэн нь өнгөрсөн жилийн мөн үеэс 3.6 хувиар өссөн байна.
Зураг 1, Амьд төрсөн хүүхэд, нас баралт, жил бүрийн эхний 11 сарын байдлаар
Халдварт өвчнөөр өвчилсөн хүний тоо дурдсан хугацаанд 33.3 мянга болж, өнгөрсөн оны мөн үеэс 11.4 хувиар буурлаа. Тоон өөрчлөлтийн харвал хамгийн буурсан нь коронавируст халдварт байгаа юм. Өнгөрсөн оны мөн үед коронавируст халдвараар 4,822 хүн өвчилсөн бол энэ оны эхний 11 сард 204 болж, буурчээ.
Харин хамгийн их өссөн нь цусан суулга. 2023 оны эхний 11 сард цусан суулгын 2,26 тохиолдол бүртгэгдсэн бол энэ оны эхний 11 сард 2,849 болж, 26 хувиар өссөн. Мөн тэмбүү өвчин өнгөрсөн оны эхний 11 сард 3,852 байсан бол энэ оны эхний 11 сард 4,750 болж, 23 хувиар нэмэгдэв.
Зураг 2, Халдварт өвчин, зарим өвчний төрлөөр, жил бүрийн эхний 11 сарын байдлаар
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
Баярлалаа
|
11 СЭТГЭГДЭЛТЭЙ
|
