• 1 сарын 10, Баасан
|
Уншиж байна ...
Зураг
Зураг

"The MongolZ" Норвегийн "HEROIC" багийг хожиж, дэлхийн аваргын сүүлийн шат руу дэвшлээ

Н.Эрхбаяр, iKon.mn
2024 оны 12 сарын 6
iKon.MN
Зураг зураг
hltv.org

Counter Strike-2 (CS2) тоглоомын энэ оны хоёр дахь Дэлхийн Аварга Шалгаруулах Тэмцээн (ДАШТ) буюу "Perfect World Shanghai Major 2024" Хятадын Шанхай хотод зохион байгуулагдаж байгаа билээ. 

Нийт 1.2 сая ам.долларын шагналын сантай тус тэмцээн нь Open stage, Elimination Stage, Playoff Stage гэсэн гурван шатлалтайгаар арванхоёрдугаар сарын 15-н хүртэл зохион байгуулагдана.

"The MongolZ" дэлхийн аваргын "Elimination" шатны гурав дахь тоглолтоо Норвегийн "HEROIC" багийн эсрэг "Во3" (гурван "map"-аар ялагчийг тодруулах) журмаар хийж, 2:1-ээр хожлоо. 

Тэд өөрсдийн сонгосон "Mirage map" дээр 8:13-аар ялагдал хүлээсэн. Харин эсрэг багийн сонгосон "Anubis map" дээр довтлох талаасаа есөн үе авч байраа сольсон. Гэвч эсрэг баг сайн тоглож нэмэлт үе гаргасан. Энэ "map" дээр нийт хоёр удаа нэмэлт үе тоглосны эцэст 19:17-оор манай баг ялалт байгууллаа. 

Улмаар сүүлийн "Ancient map" дээр "The MongolZ" ялагчийн асуудлыг шийдэж чадлаа. Тэд өнөөдрийн тоглолтод хожсоноор "Elimination" шатанд 3:0 гэсэн амжилттай болж, дэлхийн аваргын Playoff руу дэвшлээ.

Мөн Playoff шатанд тоглох Азийн анхны баг болж байгаа юм. Дэлхийн аваргын сүүлийн шатны тоглолтууд энэ сарын 12-наас эхлэх бөгөөд найман баг "Во3" журмаар шууд хасагдах дүрмээр тоглоно.