"Нийтийн тээврийн үйлчилгээний талаарх санал, гомдол, мэдээллийг 7004-4040 дугаарт хүлээн авч байна"
Нийтийн тээврийн үйлчилгээтэй холбоотой дуудлага мэдээллийг 7004-4040 тусгай дугаарын утсаар болон www.ptd.ub.gov.mn, www.transport.ub.gov.mn цахим хуудсаар санал, мэдээлэл, гомдол, талархал гэсэн дөрвөн төрлөөр тус тус хүлээн авч байгааг НТБГ-аас мэдээллээ.
Иргэдийн санал, гомдол, талархал, мэдээллийг хүлээн авч холбогдох аж ахуйн нэгж байгууллага, хэлтсүүдэд шилжүүлэх, иргэдийг мэдээллээр хурдан шуурхай хангах, нийтийн тээврийн үйлчилгээний үйл ажиллагааг хэвийн явуулах чиглэлээр санал, гомдол хариуцсан долоон ажилтан өдөр бүрийн 07:00-21:00 цагийн хооронд ажиллаж байгаа юм байна.
Өөрөөр хэлбэл иргэд автобусанд эд зүйлээ орхисон, жолооч бүдүүлэг хандсан зэрэг мэдээлэл, санал гомдол болон талархлаа тус дугаарт хэлж болох нь.
Өдөрт 1,100 гаруй автобус нийслэлийн иргэдэд үйлчилж байгаа аж.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглахдаа эх сурвалжаа (ikon.mn) заавал дурдах ёстойг анхаарна уу!
