• 12 сарын 22, Ням
|
Уншиж байна ...
Зураг
Зураг

СОР 29: Манай улс уур амьсгалын өөрчлөлтийг сааруулахын тулд үндэсний хэмжээнд хэрэгжүүлж буй бодлогоо танилцуулна

П.Сайнжаргал, IKON.MN
2024 оны 11 сарын 11
iKon.MN
Зураг зураг

Уур амьсгалын өөрчлөлтийн асуудлаарх дэлхийн удирдагчдын дээд түвшний уулзалт Бүгд Найрамдах Азербайжан Улсын Баку хотноо өнөөдөр (2024.11.11)-нд эхэллээ.  

Тодруулбал уур амьсгалын өөрчлөлтийн тухай Нэгдсэн Үндэстний Байгууллагын суурь конвенцын талуудын 29 дүгээр бага хурал(COP 29) энэ сарын 11-22-ны өдрүүдэд "Ногоон дэлхий ертөнцийн төлөөх эв нэгдэл" сэдвийн хүрээнд болж байгаа юм. 

Энэхүү бага хурлын үеэр дэлхийн 160 гаруй улсын төр, засгийн тэргүүн оролцохоор Баку хотноо цуглаад байна.

Монгол Улсын ерөнхийлөгч У.Хүрэлсүх Азербайжан улсын ерөнхийлөгч Ильхам Алиевийн урилгаар тус улсын Баку хотноо айлчилсан. 

Талуудын уулзалтын үеэр

  • Уур амьсгалын өөрчлөлт
  • Цөлжилттэй тэмцэх
  • Дэлхийн дулаарлыг сааруулах асуудлаарх Монгол Улсын байр суурийг илэрхийлж, үндэсний түвшинд хэрэгжүүлж буй бодлого, үйл ажиллагааг танилцуулахын зэрэгцээ манай улс хамтран зохион байгуулах уур амьсгалын өөрчлөлтийн асуудлаарх өндөр түвшний хэлэлцүүлэгт зарим улсын төрийн тэргүүний хамт оролцох юм.