"The MongolZ" баг Ази-Номхон далайн бүсээс "Shanghai Major 2024"-д оролцох эрхийн төлөөх тоглолтууд өнөөдөр эхэлнэ
Counter Strike-2 (CS2) тоглоомын энэ оны хоёр дахь Дэлхийн Аварга Шалгаруулах Тэмцээн (ДАШТ) буюу "Perfect World Shanghai Major 2024" ирэх сард Хятадын Шанхай хотод зохион байгуулагдах билээ.
Бүс бүсийн шилдэг багуудын тус тэмцээнд оролцох эрхийн төлөөх урьдчилсан шатны тоглолтууд энэ долоо хоногт Шанхай хотод эхлэх гэж байна. Манай улсын багуудын хувьд Ази-Номхон далайн бүсэд харьяалагдаж, ДАШТ-д оролцох гурван эрхийн төлөө өрсөлддөг.
"The MongolZ" баг энэ удаагийн дэлхийн аваргын урьдчилсан шат (Asia-Pacific RMR)-ны нээлтийн тоглолтоо "ВО1" журмаар Индонез улсын "Alter Ego" багийн эсрэг өнөөдөр 16:00 цагаас хийх хуваарьтай байна.
Хэрэв ялалт байгуулж чадвал Хятадын "Lynn Vision Gaming" болон Европын "DRILLAS" багийн аль хожсонтой нь маргааш 16:00 цагаас энэ удаагийн ДАШТ-д оролцох эрхийн төлөө "ВО3" журмаар тоглоно. Харин хожигдвол доод хүснэгтээс тэмцээнээ үргэлжлүүлэх болно.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглахдаа эх сурвалжаа (ikon.mn) заавал дурдах ёстойг анхаарна уу!
