"The MongolZ" баг өнгөрсөн шөнө Бразилын "Imperial Esports"-ийг хожсоноор Берлин хотыг зорих эрх авав
Counter Strike-2 (CS2) тоглоомын "Thunderpick World Championship 2024" тэмцээний шөвгийн найман баг өчигдөр онлайнаар тоглолоо. Энэ шатнаас ялалт байгуулсан дөрвөн баг нь Германы Берлин хотод ирэх сарын 3-нд LAN-аар тоглох эрхтэй болох юм.
Тэгвэл манай улсын "The MongolZ" баг өнгөрсөн шөнө Бразилын "Imperial Esports" багийн эсрэг тоглож, 2:1 онооны харьцаатай хожлоо. Ингэснээр ирэх сарын 3-нд Берлин хотын "LVL Dome Arena"-д Францын "3DMAX" багийн эсрэг тоглохоор болж байна.
Өчигдрийн тоглолтын эхний "Dust map" дээр манай улсын баг нэмэлт үе гаргаж 16:12-оор хожсон. Гэвч өөрсдийн сонгосон "Mirage map" дээр 6:13-аар хожигдсон. Харин сүүлийн "Inferno map" дээр 13:8-аар ялалт байгуулсан юм. Уг тоглолтын үнэ цэнтэй тоглогчоор Senzu буюу М.Азбаяр шалгарсан юм.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглахдаа эх сурвалжаа (ikon.mn) заавал дурдах ёстойг анхаарна уу!
