ЧАНАР 70
ЧАНАР 133
ЧАНАР 75
ЧАНАР 44
ЧАНАР 59
ЧАНАР 52
ЧАНАР 41
ЧАНАР 150
ЧАНАР 73
ЧАНАР 114
ЧАНАР 8
ЧАНАР 56
ЧАНАР 86
ЧАНАР 84
ЧАНАР 121
ЧАНАР 44
ЧАНАР 43
ЧАНАР 103
ЧАНАР 92
Монголбанк: Валютын ханшийн хэлбэлзлийг түр зуурын шинжтэй гэж үзэж болох бөгөөд цаашид тогтворжихоор байна
Төгрөгийн ханшийн хэлбэлзлийн шалтгааны талаар Монголбанкнаас дараах тайлбарыг өглөө.
Монголбанкнаас зарласан төгрөгийн ам.доллартой харьцах ханш 2024 оны аравдугаар сарын 10-ны өдрийн байдлаар 3,385.87 төгрөг болж 2024 нь аравдугаар сард төгрөгийн ам.доллартой харьцах ханш 0.15%-иар суларсан. Харин оны эхнээс 0.7%-иар, өмнөх оны мөн үеэс 2.0%-иар тус тус чангараад байна.
Жил бүрийн намар буюу есдүгээр сараас эхлэн өвлийн түлш, шатахууны нөөц бэлдэх, хэрэглээний барааны худалдан авалттай холбоотойгоор импортын барааны эрэлт өсдөг бол эсрэгээрээ цаг агаар хүйтрэхтэй холбоотойгоор уул уурхай, мал аж ахуй зэрэг гадаад валютын орлого бүхий салбарын идэвхжил буурдаг. Үүнтэй холбоотой жил бүр валютын зах зээлд улирлын шинжтэй хэлбэлзэл ажиглагддаг. Олон жилийн дундаж статистикаас үзэхэд төгрөгийн ханш сулрах дарамт хамгийн өндөр байдаг сар нь жил бүрийн есдүгээр сар байдаг. Энэ үзэгдэл ч мөн энэ жил давтагдаж байна (Зураг 1, Хүснэгт 1-ээс үзэх).
Түүнчлэн экспортын орлого 2024 оны эхний есөн сарын байдлаар өмнөх жилийн мөн үеэс 4.3%-иас өссөн бол эдийн засгийн идэвхжил нэмэгдэж буйтай холбоотой импортын дүн харгалзах хугацаанд 27.4%-иар өссөн байна.
Макро эдийн засгийн байдлыг авч үзвэл нүүрсний экспорт өндөр, алт, зэсийн үнэ олон улсын зах зээлд өндөр хэвээр байгаатай холбоотой гадаад валютын орох урсгал өндөр түвшинд хэвээр хадгалагдаж, гадаад валютын улсын нөөцийн хэмжээ 4.6 тэрбум ам.долларын түвшинд байна. Иймд валютын зах зээлд үүсээд буй ханшийн хэлбэлзлийг түр зуурын шинжтэй гэж үзэж болох бөгөөд цаашид тогтворжихоор байна.
Нөгөө талаас Монгол улсын гадаад валютын зах зээлд цөөн тооны томоохон аж ахуйн нэгжүүд гадаад валютын нийлүүлэлтийг бүрдүүлдэг бол эрэлт нь олон тооны харьцангуй жижиг аж ахуйн нэгжүүдээс бүрддэг. Иймд Монголбанк ханшийн огцом хэлбэлзлийг бууруулах зорилгоор валютын захад шаардлагатай үед тухай бүр оролцдог.
Энэ оны аравдугаар сарын 11-ний өдрийн байдлаар Монголбанк цэвэр дүнгээр 378 сая ам.доллар худалджээ. Өөрөөр хэлбэл, Монголбанк худалдан авсан гадаад валютаа эргүүлэн худалдаж байгаа ч нөгөө талдаа, иргэд, аж ахуйн нэгжүүдээс худалдан авсан алтаа мөнгөжүүлэн гадаад валютын албан нөөцийг арвижуулж ажиллаж байна.
Монгол улсын Засгийн газраас гадаад зээл, бондын төлбөрийг амжилттай хойшлуулснаар ойрын хугацаанд төлөгдөх томоохон зээлийн төлбөр байхгүй тул цаашид төгрөгийн ханш сулрах бодит шалтгаан бага гэж үзэж болно.
Зураг 1. Төгрөгийн ханшийн өмнөх сартай харьцуулсан өөрчлөлтийн хувь,
Хүснэгт 1. Төгрөгийн ханшийн өмнөх сартай харьцуулсан өөрчлөлтийн хувь
|
|
Хамрах хугацаа |
|||
|
2000-2024/9 сар |
2010-2024/9 сар |
2020-2024/9 сар |
||
|
Жилийн сарууд |
1 |
14.3% |
2.7% |
1.8% |
|
2 |
9.1% |
0.6% |
1.2% |
|
|
3 |
-5.0% |
-2.4% |
3.2% |
|
|
4 |
3.3% |
4.3% |
3.9% |
|
|
5 |
-2.9% |
2.0% |
1.1% |
|
|
6 |
6.0% |
-0.6% |
0.6% |
|
|
7 |
18.7% |
1.6% |
2.5% |
|
|
8 |
11.7% |
-2.2% |
1.8% |
|
|
9 |
20.8% |
6.0% |
4.2% |
|
|
10 |
7.8% |
-2.1% |
1.0% |
|
|
11 |
13.6% |
-2.7% |
0.3% |
|
|
12 |
9.3% |
0.9% |
0.1% |
|
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглахдаа эх сурвалжаа (ikon.mn) заавал дурдах ёстойг анхаарна уу!
