ҮЙЛ ЯВДАЛ: Монгол Улсын нийгэм, эдийн засгийн 2024 оны эхний 9 сарын үзүүлэлтүүдийг танилцуулна

“Корпорейт Конвейншн” центрт

09:00 цагт Эрүүл мэндийн салбарын удирдах ажилтны зөвлөгөөн “Нийгмийн эрүүл мэндийн бодлого тэргүүлэх чиглэл болох нь” уриан зохион байгуулагдаж байна.

Шангри-Ла зочид буудлын Их танхимд

09:30 цагт Ерөнхийлөгч У.Хүрэлсүх "Биологийн олон янз байдал, Уур амьсгалын өөрчлөлт, Цөлжилттэй тэмцэх тухай НҮБ-ын суурь конвенцуудын талуудын бага хурлыг угтсан Оролцогч талуудын дээд хэмжээний хэлэлцүүлэг"-т оролцож үг хэлнэ.

Төрийн ордонд

10:00 цагт УИХ-ын намрын ээлжит чуулганы нэгдсэн хуралдаан болно.

НОБГ-ын байранд

10:30 цагт Сүүлийн өдрүүдэд нийслэлийн хэмжээнд гал түймрийн дуудлага мэдээлэл нэмэгдэж байгаатай холбогдуулан нөхцөл байдал, урьдчилан сэргийлэх чиглэлээр авч хэрэгжүүлж буй арга хэмжээ, сэрэмжлүүлэг мэдээлнэ.

Пума Империал зочид буудлын Конференц танхимд

10:30 цагт Монгол Улсын мал аж ахуйн салбарын 2024-2025 оны өвөлжилт, хаваржилтын бэлтгэл, эрсдэлээс урьдчилан сэргийлэх чиглэлээрх салбарын бодлого, зохицуулалтын талаар олон нийтэд нэгдсэн мэдээлэл өгөх уулзалт болно.

ҮСХ-ны байранд

11:00 цагт Монгол Улсын нийгэм, эдийн засгийн 2024 оны эхний 9 сарын үзүүлэлтүүдийг танилцуулна.

Нийслэлийн цагдаагийн удирдах газрын хурлын танхимд

11:00 цагт Ногоон бүс буюу камержуулалт, камерын хяналтаар илрүүлсэн гэмт хэрэг, зөрчлийн талаар хэвлэлийн хурал зохион байгуулна.

“Үндэсний мэдээллийн төв”-д

11:00 цагт “Ардын намын халааснаас Ардчилсан намаа салгана. Фашист, коммунистуудаас үзэл санаагаа салгана” сэдвээр “Эрх чөлөө төв”, АН-ын гишүүд дэмжигчдийн холбооноос мэдээлэл хийнэ.

МҮЭСТО-д

11:00 цагт Дэлхий даяар 44 сая багшийн дутагдалд орсон тухай, түүний учир шалтгаан, гарах арга зам, гарц шийдлийг хэлэлцэн шийдвэрлэхээр багш мэргэжлийн статусын талаарх хойд Азийн бүсийн чуулга уулзалт болж байна.