Автомашингүй өдрөөр дөрвөн байршилд хэсэгчилж зам хаана
Ирэх Бямба гарагт болох автомашингүй өдрийг давхцуулан Нийслэлийн замын хөдөлгөөний газраас зарим байршилд засвар хийхээр төлөвлөсөн байна.
Энэ талаар Нийслэлийн Замын хөгжлийн газрын ЗАХЯХ-ийн дарга О.Энхбаатар "Автомашингүй өдрийг тохиолдуулан дөрвөн байршилд замыг хэсэгчилж хаахаар төлөвлөсөн. Тодруулбал Нарны замын засвар шинэчлэлийн хүрээнд паркийн баруун уулзвараас "Урбаник"-ийн уулзвар хүртэлх 650 метр замын урд хэсгийг автомашингүй өдрөөр буюу 21-ний өдөр хааж, хучилтын ажил хийгээд маргааш нь буюу 22-ны өдөр хойд замыг нь хаахаар төлөвлөсөн.
Энэ зам бүрэн хаагдахгүй. Хөдөлгөөнийг нэг урсгалтай явуулах юм.
Мөн Яармагийн гүүрнээс 550 метр хүртэлх замыг хэсэгчлэн хаана. Энд засварын ажлыг 21, 22-нд гүйцэтгээд 23-ны өглөө нээхээр төлөвлөсөн.
Гуравдугаарт Архивчдын гудамж буюу нисэхийн аюулгүйн тойргоос урагшаа Архивын Ерөнхий Газар хүртэлх 1.7 км газрыг хэсэгчлэн хаах юм. Эхний өдөр баруун талын зорчих хэсгийг хаагаад дараагийн өдөр нь нөгөө урсгалын замыг нь хаах юм.
Түүнчлэн Хонхны гудамж буюу Андуудаас Өгөөжийн уулзвар хүртэлх замыг 21, 22, 23-ны өдрүүдэд хааж, засвар хийхээр төлөвлөсөн" гэв.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
Баярлалаа
|
8 СЭТГЭГДЭЛТЭЙ
|
