Төлбөрийн тэнцэл энэ оны эхний долоон сард $136.2 саяын алдагдалтай гарчээ
Төлбөрийн тэнцэл 2024 оны эхний долоон сарын урьдчилсан гүйцэтгэлээр 136.2 сая ам.долларын алдагдалтай гарсныг Үндэсний Статистикийн Хорооноос мэдээллээ.
Урсгал дансны тэнцэл нь 2023 оны эхний 7 сард 333.8 сая ам.долларын ашигтай байсан бол 2024 оны эхний 7 сард урьдчилсан гүйцэтгэлээр 609.0 сая ам.долларын алдагдалтай гарсан байна.
Хөрөнгийн дансны тэнцэл 2024 оны эхний 7 сард 90.2 сая ам.долларын ашигтай гарч өмнөх оны мөн үеэс ашиг 23.7 сая ам.доллароор /35.6%/ нэмэгдсэн байна.
Санхүүгийн дансны тэнцэл 2024 оны эхний 7 сарын урьдчилсан гүйцэтгэлээр 744.3 сая ам.долларын ашигтай гарсан байна. Энэ нь өмнөх оны мөн үеэс 790.5 сая ам.доллароор өссөн байна.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглахдаа эх сурвалжаа (ikon.mn) заавал дурдах ёстойг анхаарна уу!
