Нэг шуудай шахмал түлш 3,750 төгрөгөөр борлуулагдаж байна

Гэрэл зургийг MPA агентлагийн онцгой зөвшөөрөлтэйгөөр ашиглав

Нийслэлийн долоон дүүрэгт борлуулалтын 670 цэгээр шахмал түлш худалдаалж эхэлжээ. Нэг шуудай шахмал түлшний үнэ 3,750 төгрөг байна.

Энэ сарын 9-ний байдлаар нийслэлийн хэмжээнд 42 агуулах болон үйлдвэрийн бүсэд нийт 84,076 тонн шахмал түлшний нөөцтэй байгаа бөгөөд түлш тээвэрлэх ажлыг 27 компанийн 200 машинаар өдөр тутамд зөөж байгааг Тавантолгой түлш компаниас мэдээлэв.

Тус компанийн ерөнхий инженер Ц.Алтансүх "Барьцуулагдагчийн нөөц 9,000 тонн, шуудайны нөөц есөн сая ширхэг, мидлингийн нөөц 300,000 тонныг нөөцөлсөн. Өвлийн улиралд тасалдахгүй" гэв.

Шахмал түлшний “Сайн” картаа гээсэн болон шинээр авах бол харьяа дүүргийнхээ Хэрэглэгчдэд үйлчлэх төвийн салбараас авах юм байна.