Паралимпын аварга У.Сүрэнжавт дөрөв, Б.Баасанхүү, Ц.Баттулга нарт гурван өрөө байрны батламж өглөө

Гэрэл зургийг MPA агентлагийн онцгой зөвшөөрөлтэйгөөр ашиглав

Өчигдөр болсон Засгийн газрын хуралдаанаар олимп, паралимпт медаль хүртсэн тамирчдад 3-4 өрөө орон сууц олгох шийдвэр гаргасан.

Тэгвэл өнөөдөр Ерөнхийлөгч У.Хүрэлсүх спортын салбарын зарим хүнд төрийн дээд шагнал, одон медаль гардуулсны дараа ерөнхий сайд О.Оюун-Эрдэнэ тамирчдад байрны батламж, мөнгөн шагналын хамт гардууллаа.

Тодруулбал паралимпын аварга У.Сүрэнжавт дөрвөн өрөө байр, олимпын мөнгөн медальт Б.Баасанхүү, паралимпын мөнгөн медаль хүртсэн Г.Болор-Эрдэнэ, Ц.Баттулга, Э.Содномпилжээ нарт гурван өрөө байрны батламж, мөнгөн шагналын хамт өглөө.