ЗУРАГЛАЛ: Маргааш Улаанбаатар хотын дөрвөн байршилд хаагдах замууд

Гэрэл зургийг MPA агентлагийн онцгой зөвшөөрөлтэйгөөр ашиглав

Маргааш буюу есдүгээр сарын 13-наас Улаанбаатар хотын дөрвөн байршилд зам засварын ажил эхлэх нь. Иймд эдгээр замыг сонгохгүйгээр ажлаа төлөвлөхийг албаныхан зөвлөв.

1. Саппорогийн уулзвараас ГССҮТ-ийн уулзвар хүртэлх авто замыг есдүгээр сарын 13-ны 00:00 цагаас 16-ны өдрийн 05:00 цагийн хооронд 
   

    
2. Офицерын тойргоос Чулуун овооны тойрог хүртэлх авто замыг есдүгээр сарын 13-ны 23:00 цагаас 16-ны 06:00 цагийн хооронд 
   

    
3. Элчингийн гудамж буюу Шангри Ла төвийн уулзвараас Парисын гудамж хүртэлх авто замыг есдүгээр сарын 13-ны 23:00 цагаас 16-ны 06:00 цагийн хооронд
   

    
4. Зурагтын эцсээс Чингэлтэй дүүргийн 7 дугаар хороо хүртэлх авто замыг есдүгээр сарын 13-ны 22:00 цагаас 16-ны өдрийн 06:00 цагийн хооронд хааж, шинэчлэхээр болжээ.
   

    

Замын хөдөлгөөнийг хаасан хугацаанд инженерийн шугам сүлжээний худгийн тагийг асфальт бетон хучилтын түвшинд тааруулах, хашлага солих зэрэг ажлыг гүйцэтгэх гэнэ.

Хэдийгээр зам засах ажлыг эсэргүүцэхгүй ч сургууль, цэцэрлэгийн амралтын үеэр буюу түгжрэл багатай үед замаа засах байсан гэсэн шүүмжлэлийг олон нийтийн зүгээс хэлж байгаа юм.