ЧАНАР 77
ЧАНАР 82
ЧАНАР 62
ЧАНАР 50
ЧАНАР 52
ЧАНАР 40
ЧАНАР 32
ЧАНАР 93
ЧАНАР 88
ЧАНАР 80
ЧАНАР 12
ЧАНАР 94
ЧАНАР 52
ЧАНАР 56
ЧАНАР 118
ЧАНАР 34
ЧАНАР 48
ЧАНАР 44
ЧАНАР 93
ХЭҮК: Ургац хураалтад оролцох оюутнуудтай өөрсөдтэй нь гэрээ хийж цалинг нь хөндлөнгийн оролцоогүй өгдөг болгох хэрэгтэй
Хүний Эрхийн Үндэсний Комисс/ХЭҮК/-оос өнөөдөр "Албадан хөдөлмөр эрхлэлт" сэдвээр хэвлэлийн бага хурал хийлээ.
Тодруулбал намрын улирал эхэлж ургац хураалт эхэлсэнтэй холбоотойгоор албадан хөдөлмөрөөс урьдчилан сэргийлэх чиглэлээр дараах мэдээллийг өгөв.
ХЭҮК-оос ургац хураалтын ажилд технологийн дэвшил ашиглаж их дээд сургууль, мэргэжлийн сургалт үйлдвэрлэлийн төвийн оюутан залуус, хугацаат цэргийн алба хаагчдыг сайн дурын үндсэн дээр оролцуулах ёстой байдаг гэдгийг сануулав.
2022 оноос хойш комисс уг асуудалд дүн шинжилгээ хийхэд дараах асуудлууд дээр анхаарах зайлшгүй шаардлагатай байгаа аж.
- Оюутан залуусыг ургац хураалтад татан оролцуулж байгаа тохиолдолд оюутнуудын түр зуурын ажлын байр, амьдрах орчинд хяналт тавьж байгаа нь учир дутагдалтай байна. Эрэгтэй, эмэгтэйгээр ялгасан орчин бий болгох нь зайлшгүй шаардлагатай байна.
- Гэрээг оюутнуудтай биш сургуулийн удирдлагуудтай хийж байгаа нь оюутан залууст өөрсдөд нь шаардах эрх нь үүсэж өгөхгүй байна. Иймд гэрээг оюутнуудтай өөрсөдтэй нь хийх нь чухал байна.
- Цалин хөлсний тухайд тухайн оюутан өөрөө төлбөр тооцооны картаар авч шилжүүлдэг болох нь зохистой байна. Дундаас нь дур зоргоор ямар нэгэн суутгал хийхгүй байх нөхцөлийг бүрдүүлэх хэрэгтэй байна.
- Зөрчигдсөн эрхийнхээ асуудлаар хэнд хандаж гомдол гаргах уу гэдгийг гэрээний нөхцөл дээр тусгах хэрэгтэй.
- Ургац хураалтын ажилд дунд сургуулийн хүүхдүүдийг оролцуулж байгаа асуудлыг хориглох хэрэгтэй.
2023 онд зургаан их дээд сургууль болон аж ахуйн нэгжээс мэдээлэл авч дүн шинжилгээ хийхэд ургац хураалтад ажиллах хугацаа янз бүр буюу 14-40 хоног байжээ. Гэрээг тухайн аж ахуйн нэгж их дээд сургуулиудтай нэгдсэн байдлаар хийж байсан ба нэг өдрийн ажлын хөлсийг 45,000₮, 50,000₮, 62,000₮ эсвэл шуудай ногоо хураахад 1,500-2,000₮ гэх мэтээр янз бүрээр тогтоож байсан байна.
Түүнчлэн намрын сэрүүн нөхцөлд дусаал гоождог майханд байрлуулсан мөн халуун илчлэгтэй хоолоор хангах, эрүүл мэндийн тусламж үйлчилгээ авах нөхцөл байдлаар нь хангах хэрэгтэй байгаа зэрэг зарим нэг зөрчил илэрчээ.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглахдаа эх сурвалжаа (ikon.mn) заавал дурдах ёстойг анхаарна уу!
