Энэ жилийн зуны саруудад манай улс 380,917 жуулчин хүлээн авчээ
Энэ онд манай улс нэг сая жуулчин авах зорилт тавиад байгаа билээ. Соёл, Спорт, Аялал Жуулчлал, Залуучуудын яамнаас гаргасан мэдээллээр энэ оны эхний найман сарын байдлаар манай улсад нийт 576,283 жуулчин ирсэн байна.
Харин энэ зуны гурван сар буюу 6-8 дугаар сард нийт 425,000 жуулчин авах зорилт тавьснаас 380,917 жуулчин хүлээн авчээ. Өнгөрсөн оны зуны саруудад 254,352 жуулчин хүлээн авч байсан юм.
2023, 2024 оны зуны саруудад хүлээн авсан жуулчдын тоо:
Манай улсыг хамгийн их зорин ирдэг эхний 10 улсын жуулчдын тоо өнгөрсөн жилийнхээс нэмэгдсэн үзүүлэлттэй байна. Жишээ нь өнгөрсөн жилийн долдугаар сар хүртэл БНСУ-аас 63,641 жуулчин ирсэн бол энэ жилийн долдугаар сар хүртэл БНСУ-аас 108,295 жуулчин иржээ.
Ташрамд дурдахад энэ оны долдугаар сарын 2-нд манай улсад 5,174 жуулчин ирсэн нь нэг өдөрт хамгийн олон жуулчин хүлээн авсан тохиолдол болж байв.
2023, 2024 онуудын долдугаар сар хүртэл хүлээж авсан жуулчдын тоо:
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглахдаа эх сурвалжаа (ikon.mn) заавал дурдах ёстойг анхаарна уу!
