PUBGM: Манай улсын дөрвөн баг "Super League - Central and South Asia Fall 2024" тэмцээний аваргын төлөө өрсөлдөнө
PUBG MOBILE тоглоомын Төв болон Өмнөд Ази бүсийн 2024 оны намрын улирлын супер лиг (Super League - Central and South Asia Fall 2024) тэмцээн Непал улсад есдүгээр сарын 14-н хүртэл зохион байгуулагдана.
Гурван долоо хоногийн турш үргэлжилсэн лигийн шатны тоглолтууд өчигдөр өндөрлөж, аваргын төлөө тоглох 16 баг тодорлоо. Манай улсаас 4Merical Vibes, Falcons Force, Stalwart Esports, IHC гэсэн дөрвөн баг оролцохоор болж байна.
Түүнчлэн лигийн шатыг 4Merical Vibes нэгдүгээр, Falcons Force хоёрдугаар, Stalwart Esports наймдугаар, IHC арванхоёрдугаар байраар өндөрлүүлжээ.
Есдүгээр сарын 12-14-нд зохиогдох 18 тоглолтын нийлбэр дүнгээр 200,000 ам.долларын шагналын сантай тус тэмцээний аварга баг тодрох юм. Түрүүлсэн баг нь 26 мянган ам.долларын шагналын сангийн эзэн болно.
Харин эхний дөрвөн байрт шалгарсан баг PUBG MOBILE тоглоомын дэлхийн аварга шалгаруулах тэмцээний лигийн шатанд оролцох эрх авна.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглахдаа эх сурвалжаа (ikon.mn) заавал дурдах ёстойг анхаарна уу!
