АТҮТ: Монгол Улсад жилд зам тээврийн ослын шинжтэй 29,000 дуудлага бүртгэгдэж, 3,000 орчим хүн гэмтэж бэртдэг
"Монгол Улсын автотээврийн техникийн хяналтын үзлэгийн чадавхыг бэхжүүлж, техникийн хяналтын үзлэгийн тоног төхөөрөмжийг сайжруулах замаар замын хөдөлгөөний аюулгүй байдлыг сайжруулах төсөл"-ийн хүрээнд Автотээврийн үндэсний төв ТӨҮГ, БНСУ-ын Замын хөдөлгөөний аюулгүй байдлын газар (KoRoad)-тай замын хөдөлгөөний аюулгүй байдлын чиглэлээр хамтран ажиллах Санамж бичигт гарын үсэг зурж, соёрхон баталгаажууллаа.
Сүүлийн жилүүдэд манай улсын нийгэм, эдийн засгийн үзүүлэлт бүх төрөл дээр өсөн нэмэгдэж байгаа боловч анхаарвал зохих сөрөг үр дагавар ихээр гарч байгаа юм.
Энэхүү санамж бичгийн хүрээнд Монгол Улсын замын хөдөлгөөний аюулгүй байдлын гүйцэтгэлийг сайжруулах, мэргэшсэн жолоочийн шалгалт, менежментийн тогтолцоог хөгжүүлэх, хөдөлгөөний аюулгүй байдлын боловсрол олгох, мэргэжилтэн бэлтгэх, олон нийтийн мэдлэг, мэдээллийг сайжруулах зэрэг олон төсөл хөтөлбөрийг хамтран хэрэгжүүлэх замаар Монгол Улсын замын хөдөлгөөний аюулгүй байдлыг хангахад хувь нэмрээ оруулах юм.
Эх сурвалж: Автотээврийн Үндэсний Төв
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглахдаа эх сурвалжаа (ikon.mn) заавал дурдах ёстойг анхаарна уу!
