Есдүгээр сарын 4-нөөс Шарга морьт, Хужирбуланд автобусны шинэ зогсоол нэмэгдэнэ

Нийслэлд энэ сарын 4-нөөс автобусны хоёр зогсоолыг ашиглалтад оруулахаар болжээ.

Нийтийн Тээврийн Бодлогын Газраас мэдээлснээр Сүхбаатар дүүргийн 19 дүгээр хороонд байрлах Шарга морьт завсар /баруун/ зогсоолд дамжин өнгөрдөг чиглэлийн автобуснууд зогсоно.

Дамжин өнгөрөх автобусны чиглэл:

• Х:1 – Санзайн эцэс – Их Тамир – Зунжин худалдааны төв – 7 буудал
• Х:2 – Шарга морьт – Зунжин худалдааны төв – 7 буудал
• ЗҮ:3 – Баянбулаг – Сүхбаатарын талбай

 

 

 

Нөгөө нь Хужирбулан чиглэлийн автобусны шинэ эцсийн зогсоолыг ашиглалтад оруулах юм байна.

Тодруулбал Баянзүрх дүүргийн 28 дугаар хорооны 6 дугаар хэсэгт шинээр авто зам тавигдсан тул Хужирбулангийн хуучин автобусны эцсийн зогсоолоос зүүн тийш 800 метрт сунган шинэ эцсийн буудлаар автобуснуудыг тойруулж явуулахаар төлөвлөжээ.