ПАРИС 2024: Г.Болор-Эрдэнэ АЛТАН медалийн төлөө өрсөлдөнө
Паралимпын хоёр дахь өдөр пара таеквондогийн төрөлд эрэгтэйчүүдийн K-44 ангиллын 63 кг-ийн жинд Монгол Улсын гавьяат тамирчин Ганбатын Болор-Эрдэнэ өрсөлдөж буй юм.
Манай тамирчин эхний тойрогт хийлээд, шөвгийн наймд Доминиканы Жералдо Кастрог 19:5-аар илүүрхсэн.
Хагас шигшээд Италийн Антонино Боссолог 6:4-өөр яллаа. Цаг дуусахаас ердөө ганцхан секундийн өмнө манай тамирчин хоёр оноо авснаар хэцүү өрсөлдөгчөө буулгаж авсан юм.
Г.Болор-Эрдэнэ гурван жилийн өмнөх Токиогийн паралимпад А.Боссолотой шөвгийн наймд таарч ялагдсан билээ.
Алтан медалийн төлөө Туркийн Махмут Бозтекетэй учраа таарав. Тэд Токиогийн дэвжээнд дагах тойрогт тулахад турк эр 23:22-оор ялж, улмаар хүрлийн төлөө А.Боссолог ялсан түүхтэй.
Шигшээ тулаан Улаанбаатарын цагаар 3:46 цагт болно.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглахдаа эх сурвалжаа (ikon.mn) заавал дурдах ёстойг анхаарна уу!
